Pentagoni: Situata në Lindjen e Mesme shumë serioze, SHBA e gatshme për një sulm të mundshëm iranian
"Situata në Lindjen e Mesme është shumë serioze tani", tha Ryder, duke shtuar se kjo është arsyeja pse sekretari i Mbrojtjes Lloyd Austin "urdhëroi" që armët dhe municionet shtesë të mbrojtjes të dërgoheshin në rajon
Komandanti i lartë i Ukrainës, Oleksandr Syrskyi deklaroi se forcat e Kievit kontrollojnë tashme 1000 kilometra katrorë të territorit rus ku po kryejnë inkursionin e tyre më të madh ndërkufitar në dy vjet e gjysmë luftë. Syrskyi tha se Ukraina ka vazhduar “të kryejë një operacion sulmues në rajonin e Kurskut” edhe 7 ditë pas fillimit të tij.
Vetë Presidenti i Ukrainës, Volodymyr Zelensky u shpreh se Rusia u kishte sjellë luftën të tjerëve dhe tani ajo po i kthehet në shtëpinë e saj. Por udhëheqësi rus Vladimir Putin e përshkroi ofensivën si një “provokim të madh” dhe urdhëroi forcat ruse “të dëbojnë armikun nga territori”. Një numër në rritje njerëzish janë evakuuar nga rajoni perëndimor i Rusisë për sigurinë e tyre. 59 mijë personave të tjerë u është thënë të largohen këtë të hënë. Guvernatori lokal rus tha se rreth 28 fshatra në zonë kishin rënë në duart e forcave ukrainase dhe se 12 civilë ishin vrarë dhe se “situata mbetet e vështirë”.
Presidenti i SHBA-së, Joe Biden, ka deklaruar se armëpushimi në Gaza është i mundur para përfundimit të mandatit të tij presidencial, transmeton Anadolu.Në një intervistë për kanalin CBS, Biden bëri vlerësime lidhur me çështjen e armëpushimit në Gaza.Ndaj pyetjes nëse është i mundur apo jo armëpushimi në Gaza pa përfunduar mandati i tij presidencial, presidenti Biden ka dhënë përgjigjen se "Po, është ende i mundur"."Plani i armëpushimit i mbështetur nga Këshilli i Sigurimit i Kombeve të Bashkuara (KS-OKB) është ende i zbatueshëm", deklaroi Biden, i cili shtoi se ata vazhdojnë punimet që situata "të mos kthehet në një luftë rajonale".
Presidenti francez, Emmanuel Macron, kancelari gjerman, Olaf Scholz dhe kryeministri britanik, Keir Starmer, theksuan se civilët në Gaza "kanë nevojë për dërgimin dhe shpërndarjen e ndihmës në mënyrë urgjente dhe pa papengesë", transmeton Anadolu.Në deklaratën e përbashkët të publikuar nga Macron, Scholz dhe Starmer thuhet se mirëpritet dhe mbështetet thirrja e vendeve ndërmjetësuese, SHBA-së, Egjiptit dhe Katarit për të nisur negociatat mes Izraelit dhe Hamasit për shkëmbimin e pengjeve dhe për armëpushimin në Rripin e Gazës.Për fillimin e negociatave "është rënë dakord se nuk mund të ketë më shumë vonesë", theksohet në deklaratën në të cilën thuhet se "Po punojmë me të gjitha palët për të parandaluar përshkallëzimin e tensionit dhe nuk do të shmangemi nga asnjë përpjekje për të ulur tensionin për të gjetur rrugën që shkon drejt stabilitetit".
Ministri i Jashtëm kinez Wang Yi thotë se vendi i tij mbështet Iranin në mbrojtjen e “sovranitetit, sigurisë dhe dinjitetit kombëtar” të tij, sipas një deklarate nga ministria.
