Lajmi për hapjen e konsullatës serbe në Shkodër ka ndezur reagime të forta dhe protesta në qytetin verior, ku qytetarët janë ngritur në një marshim kundër kësaj marrëveshjeje të arritur në parim mes qeverisë shqiptare dhe asaj serbe.
Tre muaj pasi makineritë e rënda ndërhynë në zonën e mbrojtur Pishë Poro- Nartë për t’i hapur rrugën një kantieri për ndërtimin e resortit luksoz të lidhur me dhëndrin e presidentit amerikan, Prokuroria e Vlorës njofton se ka nisur hetime për 4 akuza. Në përgjigje të një kërkese për informacion nga BIRN, Prokuroria e Vlorës thotë se ka regjistruar procedimin penal me nr. 772.
Dokumentet e publikuara së fundmi në media kanë nxjerrë pah faktin se punonjësit e kompanisë KAYO, e krijuar si pjesë e ambicies së qeverisë për zhvillimin e industrisë ushtarake, paguhen rreth 800 euro në muaj.
Një shifër që në pamje të parë mund të konsiderohet si pagë mesatare në tregun shqiptar të punës, por që merr një tjetër kuptim kur krahasohet me mënyrën se si vetë kryeministri Edi Rama ka zgjedhur të prezantojë realitetin e pagave në vend.
Kryetari i PD, Sali Berisha teksa u paraqit në SPAK për zbatimin e masës së sigurisë detyrim paraqitje në një deklaratë për mediat, komentoi lajmin e përfolur pak ditë më parë për një shtatzëni të mundshme të ish-zv/kryeministres Belinda Balluku. Me ironi Berisha tha se në SPAK po ndërtohet një minimaternitet sepse pas Ballukut dhe bashkëshortes së kryebashkiakut të Tiranës Erion Veliaj, Ajola Xoxa, edhe zyrtare të tjera do të bëjnë të njëjtën gjë për t’i shpëtuar drejtësisë.
Katër persona janë shoqëruar nga Policia pas incidentit të rëndë të regjistruar mbrëmjen e së dielës, më 2 gusht, kur nga një jaht përballë Palasës u raportua se u qëllua disa herë me armë zjarri në ajër. Ngjarja u denoncua rreth orës 21:00 nga pushues dhe qytetarë që ndodheshin në breg. Disa dëshmitarë kanë pretenduar se krismat ngjanin me shkarkimin e një karikatori të tërë, por numri i të shtënave nuk është konfirmuar ende zyrtarisht.
