Eurostat: Shqipëria kryesoi Europën për emigracion neto negativ më 2024
Të dhënat e Eurostat tregojnë se për çdo 1000 banorë vitin e kaluar mbi 12 janë larguar nga vendi një normë shumë herë më e lartë se vendet e tjera të Rajonit dhe Europës Lindore ku në shumicën prej tyre me 2024 kthimet në shtëpi janë më ta larta se ikjet.
Në pjesën më të madhe të Bashkimit Europian ka rënie të emigracionit pas vitit të jashtëzakonshëm 2022, kur lufta në Ukrainë dhe lirimi i kufizimeve pandemike sollën flukse të larta lëvizjeje, por në Shqipëri tendenca është krejt e kundërt. Emigrimi nuk po ndalet dhe duket se nuk ka asnjë ngadalësim real.
Rezultatet tregojnë se në shumicën e vendeve te Ballkanit kthimet janë më të larta se ikjet në 2024. Në Bosnjë emigracioni neto ishte 0.1% më 2024, nga një trend negativ në vitet e shkuara. Bilanci i migracionit neto u kthye pozitiv ishe ne Maqedoninë e Veriut , +0.3 më 2024 nga negativ që ishte në vitet e shkuara. Gjithashtu në Serbi ka tendenca pozitive pasi ikjet me kthimet u barazuan me 2024, nga një bilanc negativ që ishte në të shkuarën.
Turqia dënon ndërhyrjen ushtarake izraelite në Sirinë jugore, bën thirrje për ndalimin e menjëhershme të sulmeve
Turqia ka dënuar ndërhyrjen ushtarake të Izraelit në zhvillimet e fundit në Sirinë jugore, duke kërkuar që sulmet të ndalen urgjentisht, transmeton Anadolu.
“Ne dënojmë përdorimin e forcës ushtarake nga Izraeli për të ndërhyrë në zhvillimet e fundit në jug të Sirisë dhe theksojmë se këto sulme duhet të ndalen menjëherë”, tha Ministria e Punëve të Jashtme e Turqisë.
Ministria theksoi se ruajtja e stabilitetit dhe sigurisë në Siri i sjell dobi kryesisht popullit sirian, së bashku me vendet fqinje dhe rajonin më të gjerë.
“Prandaj, hapat e ndërmarra nga qeveria siriane për të vendosur sigurinë në të gjithë vendin dhe për të forcuar praninë e saj duhet të mbështeten”, shtoi ajo.
Të paktën 30 të v.rarë teksa forcat qeveritare siriane përleshen me milicitë druze të mbështetura nga i.zraeli
Të paktën 30 persona janë vrarë dhe gati 100 të plagosur në përleshje të ashpra midis milicive lokale dhe fraksioneve fisnore në provincën jugore Sweida, sipas Ministrisë së Brendshme të Sirisë. Dhuna, e cila shpërtheu gjatë fundjavës, vazhdoi të hënën ndërsa forcat qeveritare të gatshme për të rivendosur rendin u përfshinë në konfrontime me grupet e armatosura lokale. Observatori Sirian për të Drejtat e Njeriut, një monitorues lufte me bazë në Mbretërinë e Bashkuar, raportoi një numër më të lartë viktimash, duke deklaruar se të paktën 50 persona kishin vdekur në luftime, përfshirë dy fëmijë dhe gjashtë anëtarë të forcave të sigurisë.
Alarm në Evropë: 800 mijë trupa, tanke e helikopterë në rrugët e Ha mburgut – NATO simulon luftën kundër Rusisë!
Mes paralajmërimeve për një konflikt të mundshëm të madh me Rusinë, Gjermania do të presë një nga stërvitjet ushtarake më të rëndësishme të NATO-s në vitet e fundit, në fund të shtatorit.
Hamburgu do të presë “Red Storm Bravo” nga 25 deri më 27 shtator, një stërvitje tre-ditore, ditë e natë, që simulon reagimin e shpejtë të Aleancës ndaj një sulmi të mundshëm rus në krahun lindor të NATO-s.
Disa vlerësime thonë se deri në 800,000 njerëz do të marrin pjesë në stërvitje. Ushtarët do të praktikojnë lëvizjen e trupave nëpër qytet, duke ofruar ndihmë mjekësore dhe duke evakuuar të plagosurit në kushte reale. Rrugët e Hamburgut do të mbushen me konvoje ushtarake, automjete transporti, spitale të lëvizshme dhe helikopterë, ndërsa qyteti do të luajë një rol kyç si një qendër logjistike në rast të një konflikti.
“Kërcënimi është real. Ne tashmë po shohim sulme ndaj infrastrukturës sonë”, paralajmëron Kapiteni i Bundeswehr-it Kurt Leonards, duke përmendur raste të sabotimit industrial, spiunazhit dhe vrasjeve të planifikuara.
I vendosur në Gjermaninë veriore, Hamburgu ka një nga portet më të mëdha në Evropë, një infrastrukturë të zhvilluar transporti dhe qasje të drejtpërdrejtë në rrugët baltike. Në rast lufte, ai do të bëhej porta kryesore për furnizimet dhe vendosjen e forcave aleate në Poloni dhe shtetet Baltike. Afërsia e tij me Skandinavinë dhe Evropën Lindore e bën atë një pikë kyçe për reagimin e shpejtë ushtarak të NATO-s.
Izraeli përshpejton shkatërrimin e Rafahut si pjesë e planit për zhvendosjen e popullsisë së Gazës
Një hetim i publikuar nga njësia investigative Sanad e Al Jazeera-s tregon se Izraeli ka përshpejtuar shkatërrimin e qytetit Rafah në jug të Gazës, si pjesë e një plani për të zhvendosur të gjithë popullsinë palestineze drejt një të ashtuquajturi “qytet humanitar”.
Sipas të dhënave nga Qendra Satelitore e OKB-së (UNOSAT), numri i ndërtesave të shkatërruara në Rafah është rritur nga 15,800 në prill në 28,600 në fillim të korrikut 2025 – një rritje prej 12,800 ndërtesash në vetëm tre muaj.
Plani i paraqitur nga ministri izraelit i mbrojtjes, Israel Katz, parashikon zhvendosjen e 600,000 njerëzve në një zonë të re në jug të Rafahut, me synimin që më vonë të zhvendoset i gjithë populli i Gazës – mbi 2 milionë banorë.
Katz deklaroi se qëllimi përfundimtar është emigrimi i “vullnetshëm” i palestinezëve drejt vendeve të tjera, ndërsa zbatimi do t’i besohet organizatave ndërkombëtare, pa specifikuar se cilat.
Sipas kritikëve, plani përbën spastrim etnik dhe është në kundërshtim të hapur me të drejtën ndërkombëtare humanitare. Kreu i UNRWA-së, Philippe Lazzarini, paralajmëroi se po krijohen “kampe përqendrimi masive” në kufi me Egjiptin.
Analistët izraelitë, përfshirë Ori Goldberg dhe Daniel Levy, e kanë quajtur planin një përpjekje për pastrim demografik dhe zhvendosje të dhunshme të palestinezëve.
Pamjet satelitore tregojnë se disa institucione shkollore dhe mjekësore janë ruajtur – sipas hetuesve, kjo tregon që Izraeli planifikon t’i përdorë këto objekte si qendra të ardhshme për grumbullimin e të zhvendosurve.
Ndërkohë, negociatat për armëpushim mes Izraelit dhe Hamasit në Doha janë në vazhdim, por ende pa rezultat konkret. Izraeli kërkon eliminimin e plotë të Hamasit, ndërsa Hamas ka kërkesa për garanci humanitare dhe tërheqje ushtarake.
Gideon Levy, analist i gazetës Haaretz, deklaroi se qëllimi përfundimtar është spastrimi etnik i Gazës, dhe nëse bota qëndron pasive, kjo mund të bëhet realitet.
Situata në terren mbetet alarmante, me 1.9 milionë palestinezë ende të zhvendosur dhe me përpjekje në rritje për të ndërtuar një “zgjidhje të përhershme” përmes zhvendosjes së detyruar.