Strategji parazgjedhore e Ramës apo..?!: “Biznesi i vogël pa taksë dhe TVSH deri në 2029-ën”

Thursday, 24 October 2024 08:46

• Written by vizionplus.tv

Kreu i qeverisë, Edi Rama ditën e sotme ka zhvilluar një takim me strukturat tatimore për prezantimin e planit për luftën ndaj informalitetit. Gjatë fjalës së tij, Rama u ndal edhe te biznesi i vogël, për të cilin tha se deri në vitin 2029 nuk do të ketë taksa dhe TVSH në mënyrë që të ketë lehtësira. Por kreu i qeverisë i bëri thirrje sipëmarrjeve që të paguajnë sigurimet shoqërore pasi për shkak të mospagimit të tyre ka një gropë në fondin e pensioneve prej gjysmë miliard eurosh, gropë e cila plotësohet nga fondi i arkës së shtetit.

Read more ...

Brenda televizionit të parë në botë për gazetarët me aftësi të kufizuara

Wednesday, 23 October 2024 07:59

• Written by euronews.al

Dekori i studios së re të TV BRA, me ngjyrë rozë, pasqyron preferencat e dy gazetareve të stacionit, Emily Ann Riedel dhe Petter Bjorkmo. Riedel, e cila ka sindromën Down, dhe Bjørkmo, i cili dikur kishte flokë rozë, shprehin entuziazmin e tyre për punën dhe përkushtimin ndaj gazetarisë. TV BRA është një platformë unike norvegjeze ku të gjithë reporterët kanë aftësi të kufizuara ose janë autikë, shumica prej të cilëve përballen me sfida në të mësuar.

Çdo javë, ata krijojnë një program reviste një orëshe që mbulon lajme, argëtim dhe sport, i cili transmetohet në TV2 play, si dhe në aplikacionin dhe faqen e internetit të stacionit.

Read more ...

Zgjatet shtetrrethimi në koloninë franceze të Kaledonisë së Re deri më 4 nëntor

Tuesday, 22 October 2024 08:24

• Written by AA

Franca ka zgjatur shtetrrethimin në koloninë e saj në Kaledoninë e Re deri më 4 nëntor, transmeton Anadolu. Komisari i Lartë i Republikës në Kaledoninë e Re njoftoi se shtetrrethimi do të zbatohet nga ora 22:00 deri në orën 5 të mëngjesit me kohën lokale. Kufizimet për armët e zjarrit dhe transportin e karburantit në kontejnerë portativ gjithashtu janë zgjatur deri më 4 nëntor nga autoritetet franceze në Kaledoninë e Re.  Tubimet publike në kryeqytetin Noumea dhe qytetet përreth vazhdojnë të jenë të ndaluara deri më 4 nëntor, duke përjashtuar ngjarjet sportive.

Read more ...

Vuçiç falënderon Putinin për gazin rus, përsërit se Serbia s'do ta sanksionojë Rusinë

Monday, 21 October 2024 08:04

• Written by REL

Presidenti i Serbisë, Aleksandar Vuçiq, njoftoi të dielën se ka biseduar me presidentin e Rusisë, Vladimir Putin, dhe se e ka falënderuar atë “që më siguroi se Rusia do t’i japë mjaftueshëm gaz Serbisë këtë dimër”. Serbinë e zuri pushtimi rus i Ukrainës të varur plotësisht nga gazi rus. Ndërkohë, duke ndjekur shembullin e shumë vendeve të Bashkimit Evropian (BE), edhe Serbia ka filluar të punojë në gjetjen e burimeve të tjera të furnizimit me gaz.

Megjithatë, pavarësisht thirrjeve nga BE-ja, klubi të cilit synon t’i bashkohet, Serbia nuk po pranon të vendosë sanksione ndaj Rusisë dhe përfaqësuesit e autoriteteve në Beograd vazhdojnë të mbajnë lidhje me Kremlinin. Vuçiq njoftoi në profilin e tij në Instagram të dielën se nuk kishte biseduar me Putinin për gati dy vjet e gjysmë dhe se më 20 tetor kanë pasur një “bisedë të mirë, të hapur, të gjatë dhe kuptimplotë”.

Read more ...