PD ka propozuar një hartë të re administrativo-territoriale me 100 bashki dhe 6 rajone, në kundërshtim të plotë me variantin e PS-së që parashikon uljen e numrit të bashkive nga 61 në 46. Sipas draftit të publikuar më 30 korrik, vendi do të ndahej në rajonet Shkodër–Lezhë, Dibër–Kukës, Tiranë–Durrës, Elbasan–Korçë, Fier–Berat dhe Vlorë–Gjirokastër.
Shqipëria ka nevojë për 20 deri në 30 mijë punëtorë të huaj, ndërsa Vietnami pritet të jetë një nga vendet kryesore nga ku do të sigurohet kjo fuqi punëtore. Lajmi bëhet i ditur nga gazeta vietnameze Lao Động, e cila raporton për nënshkrimin e një Memorandumi Mirëkuptimi mes qeverive të dy vendeve për dërgimin e punëtorëve vietnamezë në Shqipëri.
Këtë të premte, Prokuroria e Posaçme (SPAK) pritet t’i komunikojë ish-zëvendëskryeministres Belinda Balluku zgjerimin e hetimeve, si edhe akuza të reja që lidhen me lotet 5, 6 dhe 7 të Unazës së Madhe. Më herët, Balluku ishte marrë e pandehur vetëm për dosjen e Tunelit të Llogarasë dhe Lotin 4 të Unazës së Madhe.
Vetëm katër muaj pasi u largua nga Partia Demokratike, Jola Hysaj është emëruar në krye të Agjencisë Kombëtare të Turizmit, duke zëvendësuar Zana Çelën. Ish-sekretarja për Marrëdhëniet me Publikun në PD e konfirmoi vetë detyrën, pas një takimi me kryeministrin Edi Rama.
Ideja për hapjen e një konsullate serbe në Shkodër ka ndezur një reagim të pazakontë politik në Tiranë, ku kundërshtimet nuk vijnë vetëm nga opozita, por edhe nga figura të rëndësishme të së majtës dhe ish-drejtues të diplomacisë shqiptare. Debati shpërtheu pasi ministri i Jashtëm serb Marko Gjuriç deklaroi se me homologun shqiptar Ferit Hoxha është arritur një marrëveshje në parim për hapjen e një konsullate shqiptare në Bujanoc dhe një serbe në Shkodër. Hoxha ka sqaruar se procesi nuk është finalizuar dhe e ka mbrojtur formulën me argumentin e reciprocitetit dhe interesit të Shqipërisë për një prani konsullore në Luginën e Preshevës.
