Bashkëshortja e biznesmenit Elman Abule paraqitet në SPAK

Wednesday, 16 April 2025 19:03

• Written by /Panorama

Marisa Nito, gruaja e biznesmenit Elman Abule është paraqitur në SPAK mëngjesin e sotëm (16 Prill)

Nuk dihet ende arsyeja e thirrjes në Prokurorinë e Posaçme të bashkëshortes së biznesmenit, i cili është nën hetim nga SPAK për dosjen e Erion Veliajt.

Elman Abule po hetohet për pastrim parash në dosjen e kryebashkiakut të Tiranës.

Ai u vendos në pranga më 10 Shkurt, ditën kur u arrestua edhe kryebashkiaku i Tiranës, pasi SPAK lëshoi masën e sigurisë “arrest me burg” ndaj tij.

Por, Apeli i GJKKO-së në seancën e datës 13 Mars, zëvendësuan masën e sigurisë në “arrest shtëpie” ndaj biznesmenit Elman Abule.

Biznesmeni u urdhërua që të mos largohej nga banesa e tij, si dhe që të mos kontaktojë me persona të tjerë, përveç atyre me të cilët bashkëjeton.

Dyshohet se bleu vota për PD-në në Lushnjë! Prokuroria e Fierit ia kalon dosjen e 38-vjeçarit SPAK-ut, akuzohet për korrupsion aktiv në zgjedhje

Tuesday, 15 April 2025 20:23

• Written by TCH

Sipas hetimeve, Marim Leka i ka kërkuar dhe marrë  Muharrem Toskës kartën e identitetit kundrejt premtimit të një shume prej 50’000 lekë, me qëllim për të favorizuar Partinë Demokratike në zgjedhje.

Read more ...

Ministri Hoxha kapet “mat”, aktivisti: SPAK të nisë hetimet, shpërdoron paratë e shtetit

Tuesday, 15 April 2025 08:33

• Written by /Blod News

Ministri i Brendshëm, Ervin Hoxha është filmuar së fundmi në njësinë numër 1 në Tiranë teksa nxjerr nga mjeti që udhëton një pako me fletushka. Këto fletë besohet se i përkasin fushatës elektorale të Partisë Socialiste.

Aktivisti Rigels Xhemollari në rrjetet sociale ka ndarë disa video ku duket ministri Hoxha. Xhemollari në një nga videot shprehet se Hoxha nxorri nga makina e shtetit fletëpalosje.

Sipas tij makinat e shteti dhe Garda e republikës që po përdoret nga Hoxha ndërsa ato paguhen nga qytetarët për ti shërbyer shtetit dhe jo partisë.

“Këtu ndodhemi në njësinë numer 1. Ky është Ervin Hoxha ministër i brendshëm, nxorri disa fletëpalosje nga makina e shteti që paguhet me paratë e shtetit. E shoqërojnë dy makina të tjera, badyguard dhe garda e republikës. I paguajmë për ti shërbyer shtetit jo partisë. Ja prova për prokurorinë dhe SPAK e këdo organ që mund të hetojë ministrin e brendshëm është këtu” shkruan Rigels Xhemollari në video.

Dumani i shqetesuar se çfare do të bëhet me prokurorët e SPAK pas përfundimit të mandatit

Monday, 14 April 2025 19:16

• Written by gazeta tema

Kryeprokurori i SPAK, Altin Dumani, deklaroi se rritja e kallëzimeve të nisura nga qytetarët tregon besimin gjithnjë e më të madh ndaj punës së institucionit. Sipas tij, krahasuar me një vit më parë, ka pasur një rritje prej 36% të hetimeve të nisura nga denoncimet qytetare, ndërsa vihet re një ulje e kallëzimeve nga Policia e Shtetit.

Në raportimin vjetor para Këshillit të Lartë të Prokurorisë, Dumani tha se aktualisht janë nën hetim 33 zyrtarë të lartë për korrupsion, nga të cilët 19 janë dërguar në gjykatë. Për 10 funksionarë publikë janë dhënë dënime të formës së prerë vetëm gjatë vitit 2024.

Read more ...