Prapë zgjedhje në 2025-ën, cilat janë bashkitë që shkojnë në zgjedhje të parakohshme
Prej më shumë se tre muajsh tre bashki të vendit Beratit, Tepelenës dhe Matit nuk drejtohen nga kryebashkiakët socialistë të zgjedhur nga vota e drejpërdrejt por nga zëvendësit e tyre.
Me dorëheqjen e Ervin Demos, Tërmet Peçit dhe Agron Malajt për tu zgjedhur deputetë të Partisë Socialiste, në këto tre bashki do të duhet të ishin zhvilluar zgjedhjet e pjesshme.
Ligji për qeverisjen vendore në nenin 61 parashikon që pas dorëzimit të dorëheqjes në këshillin bashkiak, vendimi i bëhet me dije prefektit që njofton vakancën në Këshillin e Ministrave. Ky i fundit ia komunikon presidentit që shpall edhe datën e zgjedhjeve të pjesshme.
Dorëheqjet e tre kryebashkiakëve janë depozituar që në 11 maj, një ditë para se PS të zyrtarizonte listat e kandidatëve për deputetë, por deri më tani afatet kushtetuese janë shkelur.
Bushati shpërthen ndaj Sara Milas: Një buallicë mori dyfishin e votave në Elbasan
Analisti Andi Bushati ka reaguar me tone të ashpra duke kritikuar publikisht jo vetëm Partinë Demokratike, por edhe rezultatin e kandidates socialiste në Elbasan, Sara Mila, e cila ka marrë një numër rekord votash mes akuzash për mbështetje nga krimi i organizuar në qytetin kontravers. Kjo e fundit përflitet si kandidatja e Suel Çelës në Kuvend.
Bushati e quajti të pakuptimtë heshtjen mediatike dhe politike për këtë rast, duke e krahasuar me vëmendjen që sipas tij u është dhënë figurave si Jorida Tabaku.
“Sa minuta shpenzuam për Joridën? Ju duket normale të flasim për Joridën dhe të mos flasim për Sara Milan?” – deklaroi ai.
Komuniteti LGBTIQ+ marshon në Tiranë, u bashkohet dhe ambasadori i BE dhe ministria e shëndetësisë
Komuniteti LGBTIQ+ në Shqipëri organizoi këtë të shtunë në Tiranë edicionin e radhës të “Paradës së Krenarisë”, një aktivitet tashmë tradicional që zhvillohet çdo vit në mbështetje të të drejtave dhe barazisë për personat LGBTIQ+. Marshimi u zhvillua përgjatë Bulevardit “Dëshmorët e Kombit”, nën moton “Liri, Barazi, Siguri”, me pjesëmarrjen e dhjetëra aktivistëve, qytetarëve dhe mbështetësve të komunitetit.
Ata mbanin pankarta në duar me mesazhe si: “Mos lufto dashninë, lufto sistemin”, “Ne jemi familje” dhe “Kafshatë që s’kapërdihet është homofobia”.
Sekuestrohen dy pasuri të tjera të Erion Veliajt te Kodra e Diellit
Prokuroria e Posaçme kundër Korrupsionit dhe Krimit të Organizuar (SPAK) ka zgjeruar hetimet ndaj kryebashkiakut të ndaluar Erion Veliaj dhe bashkëshortes së tij, Ajola Xoxa, duke ngritur një tjetër akuzë ndaj tyre: “Refuzim për deklarim, mosdeklarim, fshehje ose deklarim i rremë i pasurive dhe interesave private nga persona të zgjedhur apo nënpunës publikë”.
Sipas burimeve zyrtare, hetimet paraprake kanë zbuluar indicie të forta që çojnë në dyshime të arsyeshme për pasuri të padeklaruara, të lidhura me çiftin, pranë rezidencës luksoze "Kodra e Diellit", ku ata banojnë aktualisht.
Zbulohet për herë të parë akt-marrëveshja e Nuredin Dumanit me SPAK-un
Tiranë- Pas transferimit në spitalin e burgut, në prani të ish-drejtorit të Përgjithshëm të Policisë dhe ish-drejtorit të Krimeve, ai shprehu gatishmërinë për bashkëpunim, duke premtuar zbardhjen e krimeve, dosjet e të cilave kishin zënë pluhur prej vitesh.
“Nuk përbën asnjë sekret të themi se ka pasur një informacion të dyfishtë, i cili ka ecur në rrugë të ndryshme, si drejt atyre që kanë kërkuar eliminimin e tij si drejt autoriteteve ligjzbatuese. Në këto kushte ka ardhur në dijeni të faktit që aty duhet ndalur gjithçka dhe ka kërkuar bashkëpunimin e drejtësisë”, u shpreh Artan Simoni, avokati i Nuredin Dumanit
“Dëshmia e bashkëpunëtorit të drejtësisë shërben në dënueshmërinë e personave që gjykohen, por nuk mund të shërbejë si prova e vetme për të dënuar të hetuarit që gjykohen në këtë proces penal. Patjetër dëshmia e bashkëpunëtorit të drejtësisë duhet të shoqërohet me prova të tjera materiale, apo me veprime të tjera hetimore të cilat përputhen”, u shpreh Artan Simoni, avokati i Nuredin Dumanit.