Veliaj shpërndau paratë e qytetarëve për të blerë artistët, Demo: Artistët të dëshiruar për t'u korruptuar

Saturday, 08 March 2025 12:05

• Written by /TPZ

Gazetarja e kulturës, Elsa Demo, ka qenë e ftuar në emisionin "Të Paekspozuarit" në MCN TV, ku ka folur për blerjen e artistëve nga Erion Veliaj, duke i paguar me projekte të shtrenjta nga taksat e qytetarëve, pa procedurë dhe meritë, por thjesht për të marrë mbrapsht "lëpirjen" e tyre. Demo u ndal edhe te dosja Veliaj dhe lidhjet e artistëve me "Harabelin" e Ajola Xoxës.

"Ishte shumë e rëndësishme, që duke marrë pak shembuj, që nga vlera financiare nuk ishin bombastik si rasti i Driant Zelenli, ishte e rëndësishme për të provuar anën tjetër, që nuk ka përfituar shuma finacniare por një karrierë.

Driant Zeneli, është drejtori ekzekutiv i Qendrës Harabel, qendra mëmë nga dolën qendrat e tjera. Rasti i tij ishte e rëndësishme për të thënë deri në ç’pikë kemi arritur. Ai ka përfaqësuar Shqipërinë në Bienalen e Vencias pa garë. Ajola Xoxa e gjeti gati folenë e korrupsionit tek ky person. Nuk i ka korruptuar Ajola të gjithë, kanë qenë të dëshiruar për tu korruptuar.

Read more ...

P.rostitucioni në moshat e reja, një fenomen tejet shqetësues!

Saturday, 08 March 2025 09:51

• Written by JOQ

Një 19-vjeçare është arrestuar nga policia e Beratit, pasi akuzohet se shfrytëzonte për prostitucion dy motra, njëra prej tyre e mitur. Arrestimi u krye pas një hetimi që zgjati rreth dy muaj dhe ishte pjesë e operacionit të koduar “Multiple”.

Sipas burimeve, vajza e arrestuar, S. K., dyshohet se kishte detyruar 19-vjeçaren A. A. dhe motrën e saj 15-vjeçare të ushtronin prostitucion. Ndërkohë, ndaj dy motrave është ngritur procedim penal, por ato do të hetohen në gjendje të lirë.

Read more ...

SONDAZHI/ Sa besojnë shqiptarët te SPAK pas arrestimit të Veliajt e sulmeve të Ramës

Friday, 07 March 2025 08:52

• Written by /Euronews.al

Barometri – Euronews Albania ka zhvilluar matjen e dytë zgjedhore pas matjes së janarit 2025. Sërish metodologjia e përdorur dhe kampioni ka qenë i njëjtë, 1600 qytetarë të pyetur në gjithë territorin e vendit, ballë për ballë. Periudha kohore e mbledhjes së të dhënave për matjen e dytë zgjedhore të Barometrit – Euronews Albania është 15-25 shkurt 2025. Pjesë e kësaj matjeje të dytë kanë qenë dhe grup pyetjet lidhur me SPAK pas arrestimit të kryetarit të Bashkisë Tiranë, Erion Veliaj.

Të pyetur për besimin tek SPAK si institucion dhe vlerësimin për punën e tij, qytetarët në të dyja rastet tregojnë rritje të besimit dhe vlerësimit, duke kapur pikën më të lartë në të dy këto tregues që nga fillimet e matjeve të Barometrit.

Lidhur me besimin, 52.1% e qytetarëve kanë besim tek ky institucion duke e vendosur SPAK për herë të parë në krye të listës, duke lënë pas edhe Ambasadën Amerikane e cila kishte kryesuar listën e institucioneve në Shqipëri si institucioni më i besueshëm për më shumë se 30 muaj. 

E njëjta qasje vërehet edhe kur qytetarët pyeten për vlerësimin e punës së SPAK, ku 70,7% e qytetarëve vlerësojnë pozitivisht punën e tij.

Krahasuar me muajin janar 2025 edhe për besimin edhe për vlerësimin, SPAK rezulton me një rritje prej 10 pikësh.

Matjet e mëparshme të Barometrit Euronews Albania ishin ato të periudhës 15-30 janar 2025, ku ende nuk kishte ndodhur arrestimi i kryetarit të Bashkisë së Tiranës Erion Veliaj.

Duket qarte se pas këtyre zhvillimeve të 2 javëve të fundit, besimi dhe vlerësimi për SPAK është rritur dukshëm. /Euronews Albania

Punonjësit shqiptarë me pagat më të ulëta për orë në Europë

Thursday, 06 March 2025 08:47

• Written by /JOQ

Pak ditë më parë, kryeministri Edi Rama, gjatë Panairit të Punës në Athinë, deklaroi se rrogat në Shqipëri janë më të larta se në Greqi dhe vende të tjera të Rajonit dhe ftoi emigrantët që të kthehen në Atdhe për të jetuar e punuar.

Por realiteti i ditëve të sotme dhe një raport i fundit nga Eurostat nxjerrin bllof Ramën dhe tregon se punonjësit shqiptarë janë ndër më të nënpaguarit në Europë, si për pagën orare ashtu edhe për fuqinë blerëse.

Sipas raportit për vitin 2022, shqiptarët fitojnë 2.47 euro në orë, duke u renditur shumë më poshtë se vendet e rajonit si Serbia (4.43 euro/orë) dhe Bosnja (4 euro/orë). Paga për orë në Shqipëri është gjithashtu shumë më e ulët se sa në vendet e Bashkimit Europian, ku paga mesatare është shumë më e lartë, si në Danimarkë (29.8 euro/orë) dhe Luksemburg (24 euro/orë).

Femrat në Shqipëri paguhen 2.63 euro në orë, ndërsa meshkujt 2.39 euro, sipas statistikave të Eurostat.

Ndërsa paga orare për Shqipërinë është më e ulët, fuqia blerëse është gjithashtu shumë më e kufizuar. Për çdo orë pune, një punonjës shqiptar mund të blejë më pak produkte dhe shërbime se sa në vendet fqinje të rajonit. Shqipëria renditet e fundit në rajon, me një pagë orare të matur sipas fuqisë blerëse (PPS) prej 4.62, duke lënë pas vende si Serbia dhe Bosnja, ku kjo shifër është më e lartë.

Në anën tjetër, raporti i Eurostat tregon se diferencat e pagave mes vendeve të BE-së janë të konsiderueshme. Paga mesatare bruto për orë është 7.4 herë më e lartë në vendin me pagën më të lartë krahasuar me atë më të ulët. Ky diferencim tregon nevojën për përmirësime në politikën ekonomike dhe sociale për të rritur standardin e jetesës për punonjësit shqiptarë dhe për të siguruar rritje të pagave dhe fuqisë blerëse.