4 vite nga tenderi që bashkoi PD-në e Bashës, me PS-në e Ramës
Monday, 04 August 2025 15:39
Më 3 gusht 2021, JOQ Albania publikoi tenderin e shpallur nga bashkia Lushnje, të cilën e mori në drejtim Eriselda Sefa pas arrestimit të kryebashkiakut të atëhershëm, Fatos Tushe për korrupsion dhe fshehje pasurie. Kjo ngjarje në vend që të ishte një moment reflektimi për administratën lokale, ndezi akoma më shumë dëshirën për skandale në fushën e tenderave.
Kjo lëvizje atë kohë, fill pas arrestimit të kryelushnjarit, tregoi se tradita e korrupsionit dhe lidhjeve të dyshimta është e fortë. Burgoset në i korruptuar, del në dritë një i korruptuar tjetër. Tenderi për pastrimin dhe grumbullimin e mbetjeve urbane me një fond limit prej 31 mln lekësh, nxori në pah një skandal tjetër, pasi kompania me çmimin më të ulët u skualifikua nga gara.
