Deputetët e rinj të PS në ‘Shkollë verore’ për të "mësuar ABC-në". Rama lektori i parë, mësues 'senatorët' e gardës së vjetër
Friday, 13 June 2025 22:12
Vendimi për të rifreskuar thuajse plotësisht grupin parlamentar me figura të reja e pa ngarkesa politike, për Partinë Socialiste vjen me kostot e saj. Të rinjtë duhen mësuar e trajnuar. Akademia politike e PS këtë herë nuk do të jetë një shkollë për ata që aspirojnë të përfshihen në politikë, por për ata që kanë bërë tashmë hapin më të rëndësishëm, kanë siguruar një ulëse në parlament.
53 deputetët që marrin për herë të parë një mandat, mes të cilëve 9 janë ministra aktualë, do t’i nënshtrohen trajnimeve intensive për t’u njohur me praktikën legjislative, sjelljen në parlament, detyrat dhe të drejtat që u jep kushtetuta për ta kryer mësë miri detyrën e tyre. Shkolla verore për ta fillon më 20 qershor.
