Organizata Botërore e Shëndetësisë thotë se po reagon së bashku me partnerët ndaj plagëve të shkaktuara nga sulmet e al-Mawasi pasi “shumë mbeten të zhdukur nën rrënoja”.
Drejtori i OBSH-së Tedros Adhanom Ghebreyesus tha se “134 persona të lënduar rëndë janë pranuar në Kompleksin Mjekësor Nasser, i cili është jashtëzakonisht i mbingarkuar nga fluksi i pacientëve”.
Presidenti i Serbisë Aleksandar Vuçiç ka replikuar ne distancë me Presidentin Biden, i cili në fjalimin e tij para liderëve të vendeve anëtare të NATO-s përmendi nderhyrjen në Ballkan për të ndalë spastrimin etnik pa përmendur specifikisht Beogradin.
Rusia vendoset në alarm për shkak të përfundimeve në samitin e Uashingtonit. Ambasadori rus në Shtetet e Bashkuara, Anatoly Antonov, pretendon se NATO konfirmoi që vendet aleate kanë nisur rrugën e përgatitjes për luftës.
Diplomati i Putinit në Amerikë shton se aleanca perëndimore po mobilizohet në maksimum për të ruajtur hegjemoninë në rënie.“Janë armiq të deklaruar”, përfundon Antonov, duke akuzuar SHBA-të se nuk dëshirojnë kompromis për luftën në Ukrainë dhe paralajmëroi reagim ushtarak për atë që e konsideroi “makineri të luftës të NATO-s të zhvendosur në lindje”. Edhe Kina vazhdon të jetë nervoze me përfundimet e samitit në Uashington. Ministri i jashtëm, Wang Yi thotë se akuzat e NATO-s që Pekini po ndihmon Rusinë në vazhdimin e luftës në Ukrainë janë të pabaza.
Zëdhënësi i Kremlinit, Dmitry Peskov, tha në një video të publikuar të shtunën se vendet evropiane do të rrezikonin veten nëse pranojnë vendosjen e raketave amerikane me rreze të gjatë veprimi.
I pyetur nga gazetari Pavel Zarubin, i televizionit shtetëror rus, në lidhje me mundësinë e vendosjes së raketave hipersonike në Evropë nga Shtetet e Bashkuara, zëdhënësi Peskov tha: “Ne kemi potencial të mjaftueshëm për t'i penguar këto raketa. Por kryeqytetet e këtyre shteteve (evropiane) janë viktimat e mundshme”.
Aleatët e NATO-s janë mbledhur prapa Ukrainës për t'i siguruar vendit dhjetëra sisteme të reja të mbrojtjes ajrore gjatë muajve të ardhshëm për të ndihmuar në parandalimin e sulmeve të vazhdueshme ajrore ruse, tha të martën presidenti amerikan Joe Biden, raporton Anadolu.
"Donacioni historik i pajisjeve të mbrojtjes ajrore për Ukrainën do të përfshijë kontribute nga Gjermania, Italia, Holanda, Rumania dhe SHBA-ja", tha Biden gjatë një ceremonie me rastin e 75-vjetorit të NATO-s dhe fillimit të samitit triditor të aleancës në Washington.
