Netanyahu kërcënon: Hezbollahu do të paguajë për vrasjen e 12 fëmijëve/ Por harron vrasjen e 14.000 e më shumë fëmijëve Palestinezë
Sunday, 28 July 2024 22:47
Izraeli zotohet se grupi Hezbollah do ta paguajë shtrenjtë sulmin në fushën e futbollit në Golan që solli vdekjen e 12 fëmijëve. Si kundërpërgjigje ndaj së shtunës, avionët luftarakë izraelitë kryen disa sulme ajrore “brenda territorit libanez” dhe përgjatë kufirit. Hezbollahu ka mohuar të ketë lidhje më këtë ngjarje, duke mos marrë përgjegjësinë. Por autoritet ushtarake izraelite thonë se arsenali i përdorur është tipik i grupit Hezbollah.Gjatë vizitës në qytetin e Majdal Shams, ku ndodhi dhe sulmi i së shtunës që la të vdekur 12 të rinj, ministri i Mbrojtjes së Izraelit Yoav Gallant foli për një reagim të fortë kundër grupit Hezbollah, gjë që shton frikën për përshkallëzim të konfliktit.
