Vila super luksoze e Benet Becit në mes të pyllit me pisha dhe me fushë private tenisi!
Një qytetar ka bërë një denoncim në JOQ Albania, duke e publikuar vilën super-luksoze të Benet Becit në fshatin Prush, Tiranë. Kjo vilë, e cila përfshin një fushë private tenisi dhe është e rrethuar nga pyje me pisha, ngre shqetësime serioze mbi pasuritë e zyrtarëve të Rilindjes dhe mundësitë e tyre për të përfituar nga paratë publike.
Benet Beci, aktualisht kryetar të bashkisë së Shkodrës, ka një histori të diskutueshme në politikë, duke kaluar nga pozita në Partinë Demokratike në Rilindje. Ai është akuzuar për vjedhje dhe keqpërdorim të fondeve publike, duke u përmendur si figura kryesore në abuzimet në sektorin energjitik dhe urbanistik.
Një në tre shtëpi e pabanuar; në Vlorë 51% e banesave bosh
Rreth 33% e apartamenteve në vendin tonë janë të pabanuara. Në nivel qarku, numri më i lartë i banesave bosh rezulton në Vlorë, ndërsa numri më i ulët në Tiranë. Në të gjithë vendin, numërohen 1 milion e 82 mijë banesa, por vetëm 726 mijë prej tyre janë të banuara. Pra, 33% e tyre, ose rreth 1 në 3 banesa, janë të pabanuara në këtë periudhë.
Numri më i madh i banesave bosh ndodhet në Vlorë. Në këtë qark, në tetor të vitit 2023, kur zhvillohej CENSI, 51% e dyerve nuk u hapën nga askush, edhe pse anketuesit shkuan deri në 3 herë në ditë dhe në orare të ndryshme të javës. Mbi mesataren kombëtare, përqindje të larta të banesave të pabanuara kanë edhe Durrësi, Gjirokastra dhe Lezha, të cilat qëndrojnë ndërmjet 35% dhe 43%.
Rastet e Mpox në kontinentin afrikan tregojnë një rritje me 500% nga viti në vit
Rastet e Mpox vazhdojnë të përhapen në kontinentin afrikan, duke treguar një rritje prej mbi 500 përqind nga viti i kaluar, treguan të dhënat nga Qendrat e Afrikës për Kontrollin dhe Parandalimin e Sëmundjeve (Afrika CDC).
Organizata Botërore e Shëndetësisë e shpalli mpox një emergjencë shëndetësore globale në mes të gushtit, pasi një lloj i ri filloi të përhapet nga Republika Demokratike e Kongos në vendet fqinje.
SHBA ende nuk ka vepruar për rreth 500 raportet e vdekjeve civile të lidhura me armët amerikane në Gaza
Administrata amerikane e presidentit Joe Biden ka pranuar rreth 500 raporte që pretendonin se Izraeli përdori armë të furnizuara nga SHBA-ja në sulme që shkaktuan dëmtime civile në Rripin e Gazës, por akoma nuk i ka përmbushur kërkesat e politikës së saj për hetime të shpejta, transmeton Anadolu.
Pavarësisht udhëzimit të Departamentit të Shtetit për Reagimin ndaj Incidenteve të Dëmtimit Civil të vitit 2023 (CHIRG), që këshillon agjencitë të përfundojnë hetimet dhe të rekomandojnë veprime brenda dy muajve, duke cituar zyrtarë aktual dhe të mëparshëm, ‘Washington Post’ raporton se asnjë nga rastet nuk ka përparuar në fazën e “veprimit”.
BYD-ja kineze tejkalon Teslan në shitje për herë të parë
Gjigandi kinez i automobilave BYD ka kaluar rivalin e tij Tesla në shitjet e makinave për herë të parë në tremujorin e tretë të vitit 2024, transmeton Anadolu. BYD raportoi të ardhura prej 201,1 miliardë juanë kinezë (28,2 miliardë dollarë) nga korriku deri në shtator, duke tejkaluar 25,2 miliardë dollarët e Teslas në të njëjtën periudhë.
Gjigandi kinez i automobilave arriti mbi një milion shitje makinash në tremujorin e tretë, duke ofruar 1,1 milion njësi, ndërsa Tesla ka shitur rreth 470.000 njësi.Ndërkohë, vendet perëndimore po ndërmarrin hapa kundër rritjes së eksporteve të automobilave të Kinës. Komisioni i BE-së ka njoftuar tarifa shtesë doganore për importet e automjeteve elektrike nga Kina, kurse SHBA-ja dhe Kanadaja kanë vendosur një taksë 100 për qind për importet e automjeteve elektrike nga Kina.