Pezullimi i Ballukut, Rama: Ndërhyrje brutale e gjykatës në pushtetin legjislativ

Thursday, 26 February 2026 12:01

• Written by Mexhis

Kryeministri Edi Rama nga mbledhja e grupit parlamentar të PS-së, deklaroi se ishte qeveria socialiste ajo që i dha pavarësi gjyqësorit në vend.

Ai tha se ‘bombat’ artizanale lart e poshtë nëpër gjyqësor, dhe prokurorëve dhe gjyqtarëve iu mjegullohen sytë, ndërsa shtoi se gjyqësori nuk duhet të gjymtojë pavarësinë e dy pushteteve të tjera.

Rama shtoi tha se pezullimi i Ballukut ishte ndërhyrje brutale në pushtetin ekzekutiv.

"Për ndërhyrje të pajustifikueshme por dhe të panevojshme të gjyqësorit në punët ekzekutivit dhe legjislativit bashkë. Shteti ka tre pushtete të pavarura nga njëri tjetri dhe nëse njëri prej tyre hyn në punët e tjetrit, nuk vlen më ecuria. Ne e besojmë që kur Kushtetuta demokratike e RSH dhe të gjitha kushtetutë e europës thonë se ka 3 pushtete të pavaruta, nuk mund të jenë në letër siç mund të ishin më parë s ene të bënim gjithçka kemi bërë,. Kjo parti i huri detit në këmbë dhe pas 100 e kusur vitesh shtet shqiptar, ne i dhamë pavarësinë reale pushtetit gjyqësor. Unë për këtë nuk bëhem kurrë pishman, pavarësish bombave artizanale që kurdisen nga prokurorë e gjykatës lart e poshtë në Shqipëri që shija e pavarësisë reale i deh, u mjegullon arsyen u errëson sytë dhe i nis në drejtime ë cënojnë pavarësinë e pushteteve të tjera, duke i bërë minimalisht shkelës të lirive të të drejtave të njeriut. Sot rreziku i udhëkryqit nuk është që ekzekutivi apo legjislativi të cënojnë pavarësinë e gjyqësorit, por të gjymtojnë pavarësinë e dy të tjerëve për të funksionuar dhe kjo ka ndodhur. Kjo nuk mund të ndodhë në këtë vend. Sepse ky vend që është në ngjitje nuk e ka luksin të frenohet dhe jo më të ribjerë aty ku ishte. Çfarë është përveçse ndërhyrje brutale pezullimi i ministrit me një vendim të një seance paraprake pa gjyq i pandodhur në historinë e botës", tha ai.

PS del sot me qëndrim për arrestimin e Ballukut - Detajet nga agjenda e mbledhjes

Thursday, 26 February 2026 10:31

• Written by Mexhis

Partia Socialiste mbledh sot Grupin Parlamentar, nga ku do të vendoset qëndrimi përfundimtar i mazhorancës për kërkesën e SPAK drejtuar kuvendit për marrje autorizim për arrestimin e Belinda Ballukut.

Grupi Parlamentar socialist do të mblidhet në orën 11:00. Vendi i zgjedhur për këtë mbledhje është Pallati Brigadave, ndërsa agjenda do të nis me fjalën e kryeministrit Edi Rama.

Një ditë më parë pas mbledhjes të Këshillit të Mandateve dhe Imunitetit Taulant Balla paralajmëroi se do të jetë mbledhja më e parë e grupit që do të vendosë për kolegen e tyre Belinda Balluku. Mbledhja, sipas agjendës, do të ketë fjalën dhe kreu i grupit parlamentar i PS-së, ndërsa do të shihet se cili do të jetë qëndrimi i socialistëve për çështjen Balluku.

Vehap Kola ironizon: Izraelin mund ta përjashtosh edhe nga OKB-ja, por jo nga iftari i KMSH-së

Thursday, 26 February 2026 09:52

• Written by Mexhis

Reagimet për praninë e ambasadores së Izraelit në Tiranë, Galit Peleg, në iftarin e organizuar nga Komuniteti Mysliman i Shqipërisë, kanë sjellë edhe një koment me tone ironike nga pedagogu dhe analisti Vehap Kola.

Në një postim publik, ai shkroi: “Izraelin mund ta përjashtosh nga Eurovizioni, nga lojërat olimpike, madje edhe nga OKB, por jo nga iftari i Komunitetit Mysliman”, duke ironizuar vendimin për ta ftuar diplomaten në një aktivitet fetar, në mes të kritikave për zhvillimet në Lindjen e Mesme.

Deklarata e tij është interpretuar si ironi ndaj qëndrimeve aspak parimore te KMSH dhe ka shtuar më tej debatin në opinionin publik mbi këtë çeshtje prej ditësh.

PPE zbarkon në Tiranë dhe takon PD-në – Opozita denoncon para Evropës pretendimet për farsë zgjedhore

Wednesday, 25 February 2026 20:26

• Written by Mexhis

Deputetë të Partisë Demokratike, anëtarë të kryesisë së grupit parlamentar, zhvilluan sot një takim në ambientet e Kuvendit me përfaqësues të 28 partive të familjes së Partisë Popullore Evropiane, mes tyre edhe eurodeputetë.

Kryetari i grupit parlamentar të PD-së, Gazment Bardhi, bëri të ditur përmes një reagimi publik se në takim u diskutuan çështje që, sipas tij, prekin drejtpërdrejt demokracinë në vend. Ai përmendi proceset zgjedhore, deformimin e sistemit demokratik, kapjen e institucioneve, pengesat ndaj drejtësisë dhe rrezikun e ndikimit të interesave kriminale në shtet.

Sipas Bardhit, vizita nuk ishte thjesht formale, por një mision faktmbledhës që tregon se situata politike në Shqipëri është tashmë në vëmendjen e strukturave evropiane. Ai theksoi se rezolutat e PPE-së po shoqërohen me verifikime konkrete në terren dhe dëgjim të drejtpërdrejtë të fakteve.

Në përfundim, Bardhi shprehu mirënjohjen për mbështetjen dhe interesimin e partive të PPE-së ndaj zhvillimeve në Shqipëri.