Mosnjohja e Kosovës, Presidenti sllovak nga Tirana: Shqiptarët i kemi miq, por vendimi është diplomatik

Sunday, 30 March 2025 20:32

• Written by A2

Në krah të Presidentit shqiptar Bajram Begaj nga Tirana, homologu i tij sllovak Peter Pellegrini, deklaroi për mediat se Bratislava do t’i qëndrojë vendimit të saj për të mos njohur Kosovën.

Edi Rama: Kryeministri që do na fusë në Europë, por nuk kontrollon dot as fileton e pulës

Sunday, 30 March 2025 13:50

• Written by /JOQ

Edi Rama, i veshur me petkun e një lideri vizionar, ka ndezur motorrët e propagandës për fushatën e radhës: "Shqipëria në BE në 2030!". Me poza artistike, fjalime plot pathos dhe batuta për kritikët, ai po shet ëndrrën europiane, ndërkohë që shqiptarët po hanë fileto pule me salmonelë.

Ndërsa kryeministri rend nga një konferencë në tjetrën duke shpallur integrimin e pashmangshëm në BE, në tregun shqiptar po shiten mbi 18 ton fileto pule të infektuara me salmonelë. Shqiptarët ndoshta nuk e dinë ende si do duket Shqipëria 2030, por një gjë është e sigurt: me këtë qeveri, mjekët gastroenterologë kanë punë të sigurt pasi qytetarët e sëmurë nga aparati tretës do të nxitojnë të mbajnë radhën dyerve të spitaleve!

Read more ...

SKANDAL! 15,000 kg mish pule me salmonelë kanë ngrënë që me 11 Mars shqiptarët pa e ditur

Saturday, 29 March 2025 07:22

• Written by /JOQ

Siguria ushqimore në Shqipëri ka shënuar një tjetër alarm të rëndë, pasi 15,000 kg mish pule i kontaminuar me salmonelë ka përfunduar në tryezat e konsumatorëve. Skandali ka ekspozuar dështimin e AKU-së në kontrollin e produkteve të importuara, duke rrezikuar seriozisht shëndetin e qytetarëve.

Më 11 mars 2025, në Portin e Durrësit është importuar 19,000 kg mish pule nga Brazili, me afat skadence më 13 dhjetor 2026.

Në bazë të procedurave standarde, inspektorët e AKU-së duhet të marrin mostra dhe të presin rezultatet e analizave përpara se produkti të dalë në treg. Por në këtë rast, mishit iu dha leje për shpërndarje pa pritur analizat, duke shkelur rregullat e sigurisë ushqimore.

Rezultatet e analizave, të cilat dolën me pesë ditë vonesë, konfirmuan praninë e salmonelës në mishin e importuar. Por, në vend që të ndalonte shpërndarjen, AKU nuk ndërmori asnjë veprim të menjëhershëm, duke bërë që 15,000 kg mish i infektuar të shitej dhe të konsumohej.

Vetëm 4,000 kg mish u bllokuan, ndërsa pjesa tjetër përfundoi në markete, supermarkete dhe restorante, duke ekspozuar konsumatorët ndaj një rreziku të madh shëndetësor.

AKU tentoi të minimizonte skandalin duke e fshehur skandalin nga mediat dhe duke mos njoftuar konsumatorët. Inspektorët urdhëruan tërheqjen e produktit nga tregu, por vonesa në këtë proces bëri që shumica e mishit të ishte tashmë e konsumuar.

Mishi është importuar nga kompania A.M.G me pronar Mondi Goxha. I njëti person ka në zotërim fabrikën e sallamit Di Mal në Shqipëri, duke ngritur shqetësime të mëdha për sigurinë ushqimore në sektorë të tjerë të tregut.

Ndërkohë që kryetari i AKU-së, Manush Kullolli, nuk ka dhënë asnjë sqarim për këtë situatë, dyshimet për lidhje mes inspektorëve dhe biznesmenëve po forcohen.

Skandali ka nxjerrë në pah mungesën e transparencës, kontrollet e dobëta dhe manipulimin e rregullave të sigurisë ushqimore.

Ky rast është një tjetër dështim i rëndë i AKU, që po lejon produkte të rrezikshme të qarkullojnë në treg, teksa konsumatorët mbeten viktima të neglizhencës dhe papërgjegjshmërisë institucionale.

Turistët austriakë vijnë për pushime në Shqipëri dhe çajnë gomat në rrugë

Friday, 28 March 2025 16:29

• Written by AA

Infrastruktura në Shqipëri është në gjendje të mjerueshme dhe këtë e tregojnë vazhdimisht denoncimet e mbërritura çdo ditë në redaksinë tonë. Rrugë të amortizuara, me gropa, puseta të hapura, apo të paasfaltuara fare, janë ato që të zë syri kudo.

Por nëse për disa shqiptarë kjo është pjesë e realitetit të përditshëm ku jetojmë, për turistët është krejt ndryshe. Një çift turistësh austriakë janë përballur me një situatë të pakëndshme dhe të papritur ditën e sotme.

Read more ...