Kryeministri në detyrë i Kosovës, Albin Kurti, i shoqëruar nga ministri Andin Hoti, vizitoi Shtëpinë Muze të Ukshin Hotit në Krushë të Madhe, me rastin e 27-vjetorit të zhdukjes së profesorit dhe veprimtarit të njohur shqiptar.
Komisionerja e Zgjerimit e Bashkimit Evropian, Marta Kos, zhvilloi vizitën e saj të parë zyrtare në Kosovë, ku dha një mesazh të qartë politik: Kosova e ka vendin në Evropë, por duhet të përshpejtojë reformat, të krijojë institucione të qëndrueshme dhe të ecë përpara në normalizimin e marrëdhënieve me Serbinë.
Një propozim i kongresistit republikan amerikan Keith Self, që synonte të ushtronte presion ndaj Greqisë për ta rishqyrtuar mosnjohjen e Kosovës dhe për të mos e bllokuar rrugën e saj drejt NATO-s, nuk mori mbështetje në Komitetin për Punë të Jashtme të Dhomës së Përfaqësuesve. Self kërkoi që të ndërpriteshin 1.8 milionë dollarë të paraparë për trajnime ushtarake ndërkombëtare për Greqinë, si reagim ndaj qëndrimit të Athinës për mosnjohjen e pavarësisë së Kosovës.
Kryeministri në detyrë, Albin Kurti, ka drejtuar mbledhjen e parë të kabinetit qeveritar pas kalimit të Qeverisë në statusin “në detyrë”. Në këtë mbledhje, ndër vendimet kryesore ishte miratimi i rialokimit të 50 mijë eurove për projektin e rikonstruktimit të xhamisë së Ibrit në Mitrovicë.
Departamenti amerikan i Shtetit e ka njoftuar Kongresin amerikan për një leje të propozuar për eksportimin e artikujve të mbrojtjes, të dhënave teknike dhe shërbimeve të mbrojtjes drejt Kosovës, në vlerë prej 14 milionë dollarësh apo më shumë, kanë thënë për Radion Evropa e Lirë disa burime brenda Kongresit. Njoftimi është dërguar nga Byroja për Çështje Legjislative e Departamentit amerikan të Shtetit, në përputhje me nenin 36(c) të Ligjit për Kontrollin e Eksportit të Armëve. I njëjti i është përcjellë Komitetit për Marrëdhënie me Jashtë të Senatit.
