Shkrimtari dhe dramaturgu serb Sinisha Kovaçeviq së bashku me avokaten Dijana Stojkoviq propozuan te studentët serbë disa kandidatura për çmimin Nobel për Paqe.
Sinisha Kovaçeviq ka ndarë në rrjetin e tij social ‘X’ se ky propozim është pranuar dhe studentët janë zyrtarisht kandidatë për çmimin Nobel për Paqen.
Një ngjarje e pazakontë dhe e rëndë ndodhi në shkollën e fshatit Shirok, në Suharekë, ku një qen pitbull hyri në ambientet e shkollës dhe sulmoi disa nxënës.Policia e Kosovës njofton se përveç nxënësve, qeni ka sulmuar edhe zyrtarët policorë të cilët janë përpjekur ta kapin.
Më vonë u publikuan edhe pamjet kur qeni hyn në korridorin e shkollës, ndërsa nxënësit shihen duke ikur. Në pamje shihen edhe persona të rritur që u aludua se janë pjesë e stafit të shkollës, pra mësimdhënës.
Një person është arrestuar të premten pasdite, i dyshuar për sulm seksual ndaj një të mituri në Deçan. Rastin për arrestimin e tij e ka konfirmuar edhe Policia e Kosovës në raportin 24 orësh.
“Është arrestuar i dyshuari mashkull kosovar, pasi që kishte sulmuar seksualisht viktimën mashkull kosovar (i mitur)”, tha policia në raportin 24-orësh të publikuar të shtunën. I dyshuari është Ragip Përgjegjaj, 56-vjeç i cili është njëri nga themeluesit e Lëvizjes së Deçanit.
Duke folur për ofertën serbe për pritje, të takimit mes Putin dhe Trump, Vuçiq theksoi se Trump nuk ka pasur asnjë mbështetje të tillë askund në botë si në Serbi. Sipas sondazheve, kjo është e vërtetë - në fakt, mbështetja në Serbi ishte më e lartë se ajo që Trump pati në SHBA. Sipas një sondazhi të Gallup nga tetori i vitit të kaluar, deri në 59 për qind e serbëve "mbështetën" Trumpin, ndërsa vetëm 29 për qind mbështetën kandidaten demokrate, Kamala Harris.
Kjo është e vetmja mbështetje mbi 50% për Trump në të gjithë Evropën. Në Zvicër, si mikpritës i mundshëm i takimit, Trump u mbështet nga vetëm një e katërta e qytetarëve, ndërsa Harris u mbështet nga 61 për qind.
Shkupi është zbukuruar nga ngjyra e bardhë e borës pas reshjeve që përfshinë kryeqytetin e Maqedonisë së Veriut gjatë natës dhe vendin në përgjithësi, raporton Anadolu. Ndërtesat dhe rrugët e qytetit u mbuluan në të bardhë, ndërsa shumë qytetarë dolën për të shijuar borën.
Autoritetet e Maqedonisë së Veriut kanë sjellë ndalesa qarkullimi për automjete të rënda në disa akse rrugore për shkak të sasisë së borës, duke bërë thirrje për kujdes të shtuar gjatë qarkullimit.
