Kryeministri në detyrë i Kosovës, Albin Kurti, ka akuzuar Beogradin se po ushtron presion, kërcënime dhe shantazh ndaj serbëve të Kosovës për t’i detyruar të votojnë Listën Serbe në zgjedhjet e parakohshme parlamentare të 7 qershorit.
Qarqe të fuqishme politike dhe të sigurisë nga Beogradi qëndronin pas të ashtuquajturës “afera S.Ç.”, me qëllim destabilizimin e Malit të Zi dhe komprometimin e Kosovës në prag të proceseve të rëndësishme politike në rajon, ka thënë ish-presidenti i Malit të Zi, Milo Gjukanoviç.
Ministri në detyrë i Punëve të Brendshme të Kosovës, Xhelal Sveçla, njoftoi se janë ndërmarrë hapat e parë drejt themelimit të Xhandarmërisë së Kosovës.
Paneli Zgjedhor për Ankesa dhe Parashtresa (PZAP) e ka hedhur poshtë ankesën e listës së përbashkët të partive opozitare serbe në Kosovë, “Bashkë fitojmë”, ndaj vendimit të Komisionit Qendror të Zgjedhjeve (KQZ) për të mos e certifikuar atë për pjesëmarrje në zgjedhjet parlamentare të 7 qershorit.
Presidenti rus Vladimir Putin zhvilloi të shtunën një bisedë telefonike me presidentin e Emirateve të Bashkuara Arabe, Mohammed bin Zayed Al Nahyan, ku në fokus ishte kriza në Lindjen e Mesme dhe situata me Iranin.
