Kryeministri Albin Kurti ka thënë se janë të gatshëm t’i ofrojnë LDK-së edhe 15 nënshkrime për cilindo kandidat që ata ofrojnë. Kurti ka thënë se ka folur edhe me Hatixhe Hoxhën, e cila është shprehur e gatshme ta tërheqë kandidaturën në rast se LDK-ja propozon kandidat.
Kryetari i LDK-së, Lumir Abdixhiku, ka ripërsëritur qëndrimin se deputetët e partisë së tij nuk do të marrin pjesë në seancën për zgjedhjen e presidentit, teksa ka thënë se aktgjykimi i Gjykatës Kushtetuese e thotë qartë se deputeti e përcakton vetë nëse merr apo jo pjesë në seancë.
Kryeministri i Kosovës, Albin Kurti, ka akuzuar ashpër opozitën për sjellje joshtetërore dhe anti-institucionale, duke thënë se PDK, LDK dhe subjektet e tjera opozitare po bllokojnë me vetëdije funksionimin e institucioneve dhe po rrezikojnë rendin kushtetues të vendit.
Partia Demokratike e Kosovës, ka mbledhur kryesinë e partisë me ç’rast deklaruan se po rrezikohet rendi kushtetues.
Shefja e Grupit Parlamentar të Lëvizjes Vetëvendosje, Arbërie Nagavci, ka thënë se për nënshkrimet e mbledhura nga Lidhja Demorkatike e Kosovës, të cilat i paraqiti mbrëmë kryetari i saj, Lumir Abdixhiku, nuk është njoftuar as kryeministri Albin Kurti, e as ajo si shefe e deputetëve të VV-së.
