Elon Musk: SHBA duhet të dalë nga NATO. Pse duhet të paguajë për mbrojtjen e Evropës?
Elon Musk ka shprehur bindjen se Amerika duhet të dalë nga NATO, duke argumentuar se nuk ka kuptim që Shtetet e Bashkuara të vazhdojnë të paguajnë për mbrojtjen e Europës. Në një postim në platformën 'X', Musk iu përgjigj një komentuesi që bëri thirrje për tërheqjen e SHBA nga aleanca, duke shkruar: "Vërtet duhet, nuk ka kuptim që Amerika të paguajë për mbrojtjen e Europës."
Kjo deklaratë vjen në një kohë kur administrata amerikane ka kërkuar nga aleatët e NATO-s që të rrisin shpenzimet për mbrojtjen, me qëllim që të lehtësohet ngarkesa financiare që SHBA po mban mbi shpatullat e saj. Ky kërkesë ka ardhur pas një ndryshimi të politikave të SHBA, ku ka pasur një kthesë të papritur në mbështetje të Ukrainës dhe një vendim për të kufizuar stërvitjet ushtarake të përbashkëta, duke njoftuar gjithashtu një plan për të zhvendosur pjesë të forcave ushtarake amerikane nga Gjermania në Hungari.
