Presidenti izraelit Herzog takohet me homologun serb Vuçiq në Beograd

Wednesday, 11 September 2024 22:59

• Written by AA

Presidenti i Izraelit, Isaac Herzog u takua me homologun e tij serb, Aleksandar Vuçiq në kryeqytetin e Serbisë, Beograd, raporton Anadolu. Herzog u prit me ceremoni zyrtare në Beograd ndërsa pas takimit dypalësh me Vuçiqin mori pjesë në tryezën e rrumbullakët me temë "Sinergjia në Inovacion dhe Tregti: Bisedimet Serbi-Izrael". Duke folur në konferencën e përbashkët për media pas takimit, Herzog tha se me Serbinë kanë mundësi të pafundme bashkëpunimi dhe tha se vendi i tij është "në konflikt".

Read more ...

"Është aksioner pronari jonë, Lali Eri e këta. Dhe unë marr vetëm 600 mijë lekë të qelbta…”/ Si kalonin milionat e Veliajt për ndërtim hotelesh

Wednesday, 11 September 2024 15:19

• Written by lapsi

Në dosjen e SPAK për drejtorët e Bashkisë që patën ngritur një kompani në vitin 2016, me anë të cilës kullufitën plot 22 tendera me vlerë mbi 20 milionë euro, raportohet edhe biseda e një punonjësje të kompanisë 5D që ka bërë shumë bujë. Ajo thotë: “Këtë hotelin po e bëjmë ne. Është aksioner pronari jonë, Lali Eri e këta. Dhe unë marr vetëm 600 mijë lekë të qelbta…”

Menjëherë i pyetur nga BIRN, Erion Veliaj e mohoi pandehmën se ai është aksioner i një hoteli në Durrës, vlera e të cilit shkon deri në 15 milionë euro. “Kjo është gjëja e tretë më absurde që kam dëgjuar për veten. Kampion mbetet ai që ka thënë se jam djali i Ahmadinexhadit, kurse në vend të dytë ai tipi poshtë dritares, që thoshte se kam bërë skemat piramidale të vitit ‘97, nga gjimnazi. Jo, nuk kam ASNJE lidhje me ndonjë hotel, as në Durrës, as në Tiranë, as në gjithë globin!”-tha ai.

Read more ...

OKB: Në luftën e Ukrainës kanë humbur jetën 11.700 civilë

Wednesday, 11 September 2024 14:58

• Written by AA

Organizata e Kombeve të Bashkuara (OKB) tha se 11.700 civilë kanë humbur jetën në luftën në Ukrainë dhe u bëri thirrje liderëve të vendeve anëtare që përgatiten për seancën e 79-të të Asamblesë së Përgjithshme që të shfrytëzojnë të gjitha mundësitë për t'i dhënë fund luftës në këtë vend, transmeton Anadolu. Me kërkesë të Ekuadorit dhe Francës, në Këshillin e Sigurimit të OKB-së u mbajt seancë për sulmet e Rusisë ndaj civilëve dhe infrastrukturës civile në Ukrainë. Duke informuar këtu vendet anëtare, Zëvendës Sekretarja e Përgjithshme e OKB-së për Çështjet Humanitare, Joyce Msuya tha se situata në Ukrainë po përkeqësohet.

Read more ...

Mediat izraelite: Ushtria vrau gabimisht 3 robër izraelitë në dhjetor, por e fshehu nga opinioni

Tuesday, 10 September 2024 16:39

• Written by AA

Ushtria izraelite vrau gabimisht tre robër izraelitë, përfshirë dy ushtarë, gjatë një bastisjeje në Gaza në dhjetor, ndërsa këtë e fshehu nga opinioni, transmeton Anadolu.Mediat lokale izraelite, përfshirë "Channel 12", njoftuan se tre robërit izraelitë: Nik Beizer, Ron Sherman dhe Elia Toledano, u vranë në një sulm ajror izraelit që synonte një udhëheqës të lartë ushtarak të grupit palestinez Hamas në pjesën veriore të Gazës.Sipas kanalit, ushtria izraelite nuk e dinte se kishte robër izraelitë të pranishëm së bashku me liderin e Hamasit. Megjithatë, detajet e vdekjes së robërve izraelitë i mësoi që nga shkurti, por zgjodhi të mos i publikonte.

Read more ...