Telefonoi urgjencën për ndihmë, gjendet e vdekur pas dy javësh vajza e mitur në Gaza
Saturday, 10 February 2024 21:02
Hind Rajab, vajza gjashtëvjeçare palestineze e zhdukur pasi makina e familjes së saj u godit në Gaza, është gjetur e vdekur. Vogëlushja i mbijetoi sulmit dhe thirri për ndihmë, por që nga ajo kohë nuk u mor më asnjë lajm për të. Sipas Gjysmëhënës së Kuqe Palestineze, dy mjekë të dërguar për të kërkuar vajzën e vogël u vranë nga forcat izraelite. Vajza e vogël u pa për herë të fundit rreth dy javë më parë, kur u bllokua në makinë me të afërmit e saj të vdekur, teksa po përpiqeshin të largoheshin nga qyteti i Gazës.
