Putin fton të rinjtë perëndimorë që refuzojnë demokracinë liberale-“Mirëpresim ata që nuk duan homoseksualët dhe globalizmin”.
Presidenti rus Vladimir Putin ka nënshkruar një dekret që lehtëson transferimin në Rusi të të huajve që ndajnë ato që Moska i quan vlera tradicionale.Dokumenti flet për mbështetje humanitare dhe kërkon që Ministria e Jashtme e Moskës të përpilojë një listë të shteteve që Rusia beson se do të imponojnë udhëzime ideologjike shkatërruese neoliberale që bien ndesh me vlerat tradicionale shpirtërore dhe morale ruse.Lajmi është bërë i ditur nga agjencitë ruse të lajmeve Ria Novosti dhe Tass.
Thatësira rrit faturën e importit të energjisë, vetëm për gushtin u blenë 177 mijë megavat me vlerë 22.7 mln euro! Gati prodhimi nga TEC-et lundruese mbaron testimi
Mungesa e reshjeve të shiut ka ulur prodhimin e energjisë, duke bërë që KESH të shtojë sasinë e energjisë së blerë. Vetëm për muajin gusht u importuan mbi 177 mijë megavat energji me vlerë 22.7 milionë €. Ndërkohë Report TV mëson se është mbyllur testimi i TEC-eve lundruese në Vlorë, e pritet të nisë prodhimi i energjisë. Thatësira e madhe e shoqëruar me temperatura ekstreme po shton ndjeshëm kostot e importit të energjisë, në kushtet kur konsumi vetëm rritet.
Një "histori shqiptare"!/Nga i hetuar për kultivim droge, në krye të antidrogës së durrësit
Mbrëmjen e së enjtes u vu në pranga shefi i Antidrogës së Policisë së Durrësit, i cili rezulton të jetë me gradën e kryekomisarit.E jo vetëm aq, por i prangosuri me urdhër të SPAK është hetuar sipas prokurorisë, edhe 3 vjet më parë pikërisht për lejim të parcelave me kanabis. Aso kohe, Gazmir Preçi ishte me shërbim në Mallakastër, ndërsa më pas u ngrit në detyrë dhe u bë shef i sektorit të Antitrafiqeve në Drejtorinë e Policisë së Durrësit.Edhe pse Prokuroria e Posaçme ende nuk ka dhënë detaje në lidhje me hetimin, ndërkohë që ditën e sotme pritet të dalë për masë sigurimi në gjykatë.
Përshkallëzohen protestat në Indi për përdhunimin dhe vrasjen e mjekes në Kalkuta
Mijëra gra dhe burra marshuan nëpër disa qytete indiane ndërsa protestat kundër përdhunimit dhe vrasjes së një mjekeje u përshkallëzuan në shumë qytete.Duke mbajtur qirinj dhe postera që shkruanin "Na riktheni natën", ata mbajtën mitingje në disa qytete, duke përfshirë Kalkutën në Indinë lindore, ku trupi i mjekes praktikante u gjet javën e kaluar, duke shkaktuar gjithashtu protesta nga mjekët e tjerë që kërkonin kushte më të mira dhe më të sigurta pune.
Mbi 1000 të arrestuar në Britaninë e Madhe pas trazirave anti-myslimane
Policia e Mbretërisë së Bashkuar ka arrestuar mbi 1000 persona në lidhje me trazirat anti-muslimane që ndodhën gjatë dy javëve të fundit në Angli, thanë zyrtarët."Forcat në të gjithë vendin kanë bërë tani më shumë se 1000 arrestime në lidhje me trazirat e dhunshme të fundit," tha Këshilli Kombëtar i Shefave të Policisë (NPCC) në X të martën.Të paktën 575 persona janë akuzuar pasi gjykatat kanë vazhduar të merren me ata që janë përfshirë në trazirat, të cilat u shtrinë në dhjetëra qytete në Angli dhe Irlandën e Veriut pas vdekjes së tre vajzave të cilat u goditën me thikë më 29 korrik.