Mazhoranca socialiste po e çon me vetëdije drejt djegies kërkesën e SPAK për arrestimin e zv.kryeministres të pandehur Belinda Balluku, duke shfrytëzuar vonesën e një vendimi nga Gjykata Kushtetuese. Skema e zvarritjes duket se po çon në konsumimin e afateve ligjore, me synimin që kërkesa të bjerë automatikisht.
Kryeministri shqiptar, Edi Rama, e mbrojti Izraelin nga përgjegjësia gjatë një fjalimi në Knesset, duke ia atribuuar tërësisht Hamasit katastrofën humanitare në Gaza dhe duke injoruar mbi 71 mijë palestinezë të vrarë në gjenocidin e vazhdueshëm të Izraelit.
Duke iu drejtuar parlamentit izraelit, Knesset-it, të martën, Rama e hapi fjalimin duke shprehur vullnet të mirë ndaj udhëheqësve izraelitë, përfshirë kryeministrin Benjamin Netanyahu, si dhe duke theksuar solidaritetin e hershëm të Shqipërisë me popullin hebre.
Vizita e Edi Rama dhe bashkëshortes së tij, Linda Rama, në Murin e Lotëve në Jerusalem u paraqit si një akt simbolik paqeje, reflektimi dhe përulësie fetare. Një gjest që, në dukje, flet për ndjeshmëri shpirtërore dhe respekt ndaj një vendi të shenjtë për hebrenjtë. Por simbolika politike nuk jeton kurrë në vakum. Ajo matet gjithmonë nga konteksti, koha dhe heshtjet që e shoqërojnë. Sipas narrativës hebreje muri i Lotëve nuk është thjesht një vend lutjeje, ai është një simbol historik i dhimbjes, humbjes dhe qëndresës.
Kryeministri i Belgjikës, Bart De Wever në një fjalim të enjten para parlamentit bëri thirrje për një Evropë më të fortë dhe më të bashkuar pas tensioneve të fundit mbi Grenlandën dhe qëndrimin e SHBA-së ndaj aleatëve të saj. “Shtetet e Bashkuara janë më të fortat, por dinjiteti ynë nuk është në shitje. Ne nuk jemi skllevër”, tha ai. Duke folur para një takimi të liderëve të BE-së në Bruksel, De Wever tha se zhvillimet e fundit nxorën në pah dobësitë strategjike të Evropës dhe urgjencën e forcimit të autonomisë së saj, raportoi transmetuesi publik RTBF.
Një hetim i medias ndërkombëtare Follow the Money, në bashkëpunim me BLAST, ngre akuza të rënda se krimi i organizuar shqiptar është thellësisht i infiltruar në shtetin shqiptar dhe ka lulëzuar gjatë dekadës së fundit. Në qendër të raportimit është dëshmia e ish-inspektorit të policisë Dritan Zagani, i cili nga azili në Zvicër e përshkruan Shqipërinë si një “narko-shtet”, ku figura të larta politike dhe institucionale dyshohet se kanë mbrojtur ose lehtësuar aktivitetet kriminale.
