Edi Rama dhe Aleksandër Vuçiç janë bërë sërish bashkë. Këtë herë jo për “Ballkanin e hapur” të lënë në harresë, por duke hedhur firmat në një kërkesë drejtuar Bashkimit Europian.
Shteti i Washingtonit në SHBA ka nxjerrë një proklamë zyrtare që njeh muajin e shenjtë të Ramazanit dhe festat e Bajramit, duke vlerësuar kontributin e komunitetit mysliman në jetën sociale, ekonomike dhe kulturore të shtetit. Proklama, e shpallur nga autoritetet shtetërore, ka karakter simbolik dhe synon të theksojë rëndësinë e diversitetit fetar dhe bashkëjetesës ndërkulturore. Përmes këtij akti, Ramazani dhe Bajrami njihen si periudha me rëndësi për mijëra qytetarë myslimanë që jetojnë në Washington.
Pushtimi i Ukrainës nga Rusia katër vjet më parë nisi konfliktin më të madh në Europë që nga Lufta e Dytë Botërore, duke shkaktuar vuajtje të jashtëzakonshme për civilët dhe sprova të rënda për ushtarët, ndërsa rishkroi rendin e sigurisë pas Luftës së Ftohtë.
Në mjediset e “Donald J. Trump US Institute of Peace” në Washington DC, u mbajt këtë të enjte, më 19 shkurt 2026, takimi i parë zyrtar i Bordit të Paqes, i cili shërbeu edhe si lançimi politik dhe institucional i kësaj strukture që është krijuar prej Rezolutës 2803 të Kombeve të Bashkuara më 17 nëntor 2025 për t’i dhënë fund luftës në Gaza. Në këtë mbledhje të parë morën pjesë rreth 45 delegacione shtetesh si anëtare të Bordit ose thjesht si vëzhguese – ndër këta të fundit ishte pikërisht Bashkimi Evropian.
Një operacion i mundshëm ushtarak SHBA-Izrael kundër Iranit mund të jetë një fushatë masive, disa javore, që është mjaftueshëm e gjerë për të kërcënuar mbijetesën e regjimit iranian, raportoi Axios të mërkurën, duke cituar burime të njohura me çështjen. Administrata Trump thuhet se është në prag të një përballjeje të rëndësishme ushtarake në Lindjen e Mesme, me zyrtarët izraelitë që tashmë po përgatiten për mundësinë e shpërthimit të luftës brenda ditësh, sipas kësaj agjencie.
