Qeveria i.zraelite humbet shumicën, opozita kërkon zgjedhje urgjente
Koalicioni i kryeministrit izraelit, Benjamin Netanyahu, në Izrael humbi shumicën pasi u largua partia Shas, duke e lënë atë me më pak se 61 anëtarë të Knessetit dhe duke e kthyer në një qeveri pakice. Lideri i opozitës izraelite, Yair Lapid, ka lëshuar një deklaratë të fortë kundër qeverisë aktuale, duke e cilësuar atë si një qeveri pakice që ka humbur legjitimitetin për të marrë vendime madhore për shtetin.
‘2 500 euro dita!” Eksperti i sigurisë: Vetëm në Tiranë janë 1 500 eskorta
Prostitucioni vijon të mbetet një aktivitet mjaft i përhapur dhe me të ardhura të larta në Shqipëri, pavarësisht ndërhyrjeve sporadike të policisë. Ky fenomen jo vetëm që nuk është zhdukur, por duket se po zgjerohet gjithnjë e më shumë.
Me afrimin e sezonit turistik, veçanërisht gjatë verës, kur rritet ndjeshëm numri i vizitorëve, shtohet edhe numri i vajzave që ofrojnë shërbime seksuale. Eksperti i sigurisë Fatjon Softa bën me dije se vetëm në Tiranë mendohet të jenë rreth 1 300 deri në 1 500 vajza që ushtrojnë këtë aktivitet.
Bie propaganda e Ramës/ Turizmi bën hapa pas, ky sezon veror pritet të jetë më i dobët
Teksa pritshmëritë ishin që turizmi të kishte një rritje rreth 15% këtë vit, shifrat zyrtare e kanë zbehur ketë optimizëm, madje operatorët turistikë presin që sezoni veror 2025 të jetë më i dobët se ai i vitit të kaluar. Rezervimet individuale për korrik-gusht janë më të ulëta se një vit më parë sidomos nga Vlora në Sarandë. Ata që po mungojnë janë diaspora dhe Kosova. Pjesa më e qëndrueshme mbetet turizmi i organizuar, i cili po respekton shifrat e kontratave me garanci të nënshkruara.
Pasi ua morën malësorëve, nis shitja e maleve me 1 € te 500 shokët e pushtetit!
Teksa Thethi, nga një zonë turistike është kthyer si një arenë lufte mes policisë dhe banorëve, në e-Albania, janë hapur aplikimet për “Paketën e Maleve”. Mos vallë pas tensioneve në Theth fshihet ky projektligj me ‘spec’ i qeverisë Rama? Ashtu si me skemën “Shqipëria 1 Euro”, ku prona publike iu dha për 99 vjet njerëzve të afërt me pushtetin, dhe “Paketa e Maleve” 1 Euro, cilësohet si ligj klientelistë nga ekonomistët.
Ndërkohë që bota thur lavde për bukuritë e maleve tona, shteti po bën një make up të tipit të zhdukim fshatarin dhe fusim investitorin. Qeveria shqiptare miratoi më 9 janar 2025 pr/ligjin e ri, të quajtur "Paketa e Maleve”. Ky projektligj, i trumbetuar nga Kryeministri Edi Rama pak muaj më parë parashikon kriteret e kalimit të pronësisë shtetërore tek private kundrejt blerjes me një tarifë simbolike prej 1 euro. Për 10 vite, me 0 taksa dhe 1 euro tokë, do përfitojnë 500 biznese. Jo çdokush por të pasurit, oligarkët që tani kërkojnë edhe një “vilë në Theth”. Por që të vijnë ata, duhet të largohen banorët. Paketa e Maleve si duket nuk është për autoktonët.
I.zraelitët vrasin 6 fëmijë që prisnin në radhë për ujë në Gaza, IDF shfajësohet: Ishte gabim teknik
Dhjetë persona, përfshirë gjashtë fëmijë, u vranë në një sulm ajror izraelit, ndërsa prisnin të mbushnin fuçitë e ujit në Gazën qendrore të dielën. Trupat e tyre u dërguan në Spitalin al-Awda në Nuseirat, ku po trajtohen 16 persona të tjerë të plagosur, përfshirë shtatë fëmijë, tha një mjek në Gaza.
Dëshmitarët okularë treguan për BBC se droni i ushtrisë izraelite lëshoi një raketë drejt një turme që qëndronte në rresht me shishet e mëdha që ishin ende bosh pranë një rezervuari uji në kampin e refugjatëve al-Nuseirat.