20 mijë lekë për të mbijetuar, pensionistët në Shqipëri paguajnë faturat, marrin ilaçet… për ushqimin mbeten me ‘sytë nga qielli’
Saturday, 25 April 2026 18:14
Në Shqipëri, jeta për shumë pensionistë është kthyer në një përballje të përditshme me varfërinë. Me të ardhura mujore që mezi arrijnë rreth 20 mijë lekë , ata detyrohen të bëjnë zgjedhje të vështira mes nevojave më bazike si ushqimit, ilaçeve dhe pagesës së faturave.
Rritja e vazhdueshme e çmimeve ka rënduar edhe më shumë këtë realitet, duke bërë që produktet më të domosdoshme të jenë gjithnjë e më të paarritshme. Për shumë të moshuar, pensioni nuk është më një garanci për një jetë dinjitoze, por thjesht një mjet për të shtyrë ditët.
