“Jemi të tradhtuar”- Kryeministri i Katarit: Do përgjigjemi ndaj I.zraelit
Kryeministri i Katarit, Mohammed bin Abdulrahman Al-Thani, deklaroi të mërkurën se vendi i tij, së bashku me partnerë arabë po përgatiten për një përgjigje kolektive ndaj sulmit të Izraelit në Doha.
Tragjike në Nepal! Përshkallëzohen protestat, gruaja e ish-kryeministrit d*gjet e gj.allë
Bashkëshortja e ish-Kryeministrit të Nepalit, Jhala Nath Khanal, ka humbur jetën në mënyrë tragjike pasi u përfshi nga flakët, kur shtëpia e saj u dogj gjatë protestave të dhunshme kundër qeverisë që kanë kapluar vendin, sipas raportimeve nga mediat lokale. Godina e Parlamentit të Nepalit, së bashku me rezidencat e disa figurave të rëndësishme politike, janë shkatërruar nga zjarri gjatë këtyre trazirave, të cilat e kanë futur vendin në një krizë serioze.
Lëvizja protestuese, e udhëhequr kryesisht nga të rinjtë, shpërtheu me intensitet të madh pasi autoritetet vendosën të bllokojnë përdorimin e rrjeteve sociale. Megjithatë, zemërimi i qytetarëve buron kryesisht nga shkalla e lartë e korrupsionit dhe mungesa e perspektivës për të rinjtë.
Rama: Aksioni i shembjes do vijojë gjatë gjithë mandatit
Ashtu siç ishte paralajmëruar gjatë nisjes së aksionit për lirimin e hapësirave publike nga kryeministri i Shqipërisë, Edi Rama, qeveria atje ka përgatitur një paketë të re me masa ligjore për mbrojtjen e pronës dhe territorit.
Gjatë prezantimit të paketës, Rama tha se paketa e re nuk është e përkryer, por do të krijojë instrumente për ta mbrojtur hapësirën publike. Sipas shefit të qeverisë shqiptare, aksioni i nisur gjatë verës do të vijojë gjatë gjithë mandatit të katërt.
Nga Javier Bardem te Mark Ruffalo, rreth 1500 artistë bojkotojnë institucionet i.zraelite të filmit
Rreth 1,500 aktorë, regjisorë dhe profesionistë ndërkombëtarë të filmit, përfshirë Olivia Colman, Javier Bardem dhe Mark Ruffalo, kanë paralajmëruar ndërprerje bashkëpunimi me institucionet izraelite të filmit “të përfshira në gjenocid” në Rripin e Gazës.
Kjo thuhet në një letër të botuar në gazetën britanike The Guardian. “Në këtë moment krize, kur shumë nga qeveritë tona po e mundësojnë masakrën në Gaza, ne duhet të bëjmë gjithçka që mundemi për t’iu përgjigjur kësaj bashkëfajësie”, thuhet në apel, të nënshkruar edhe nga aktoret Ayo Edebiri, Cynthia Nixon dhe Tilda Swinton; aktorët Gael García Bernal, Josh O’Connor dhe Riz Ahmed dhe regjisorët Yorgos Lanthimos, Adam McKay dhe Aki Kaurismaki.
"Burimet nga Hamasi njoftuan se udhëheqësit e tij shpëtuan nga atentati i I.zraelit"
Sipas televizionit Al Jazeera me seli në Katar, burime të Hamasit njoftuan se udhëheqësit e tyre kanë shpëtuar nga atentati i Izraelit, transmeton Anadolu. Al Jazeera në lajmin e saj të cilin e bazon mbi burime të Hamasit, raportoi se Izraeli shënjestroi qendrën ku udhëheqja e Hamasit kryen takime në Doha.
"Delegacioni i udhëheqjes së Hamasit, i udhëhequr nga Dr. Khalil al-Hayyah, i mbijetoi sulmit" thuhet në lajm. Në lajmin ku transmetohet se delegacioni i Hamasit po zhvillonte takim, thuhet se "Delegacioni i Hamasit u shënjestrua me një sulm ajror izraelit ndërsa takohej për të diskutuar propozimin e fundit të (Presidentit të SHBA-së Donald) Trump".