Devijimet në besim të Organizatës famëkeqe okulte “Fetullah Gylen” - 10
Devijimi në të cilin pretendon se Pejgamberi dëgjon ligjëratën fetare të Gylenit!
Gyleni, në një fjalim të mbajtur në Salihli, me datë 17.08.1987, pretendon se Pejgamberi ka marrë pjesë në ligjëratën e tij fetare. Ai shprehet: “... Nëse unë, duke u mbështetur në sinqeritetin tuaj, nuk do të shqetësoj atë shpirt të bekuar, mund të shpreh lehtësisht diçka që i përket atij: Ndoshta në këtë minutë, duke më mbuluar mua me turp, gjendet mes safeve tuaj, mes radhëve tuaja. Edhe qoftë se nuk gjendet për të më dëgjuar mua, gjendet ndërmjet jush për të shëtitur mes xhemaatit të tij, për të përkëdhelur ballin e të rinjve, për t’u vënë dorën në shpinë dhe për t’u thënë: ‘Vazhdo biri im, je në rrugë të drejtë!”’ (1979-08.17_Gonul Dunyamizdan-03- İmanla gelen değişim (Salihli), min. 1:09:00)
