Apeli i dha vulën Sali Berishës, reagon SHBA: Pozicioni ynë nuk ndryshon, s’angazhohemi me non grata!
Në një reagim për mediat, ambasada e SHBA sqaron se pozicioni i tyre për non grata-t mbetet i pa ndryshuar. “Pozicioni ynë në lidhje me individët e shpallur non-grata mbetet i pandryshuar: ne nuk angazhohemi me persona të shpallur sipas autoritetit të sanksioneve të SHBA dhe të gjithë duhet të shqyrtojnë me kujdes se si punojnë me individë të shpallur nga SHBA.
Ushtria britanike do ti kthejë në atraksion turistik ! Nis inspektimi në tunelet e nëndheshme të komunizmit në Kukës
Tunelet nëntokësore të Kukësit së shpejti do të kthehen në atraksion turistik. Një grup specialistësh ushtarakë të xhenios britanike kanë kryer inspektime të tuneleve dhe do të bëjnë një studim të detajuar për ndërhyrjet e plota që do t’i vihet në dispozicion Bashkisë Kukës dhe donatorëve për investime. Blendi Gonxhja, Ministër i Ekonomisë, Kulturës dhe Inovacionit, tha se do të punohet në vijimësi me ekspertët e ushtrisë britanike për të përcaktuar shkallën e sigurisë.
Ndërsa, Ambasadori i Mbretërisë së Bashkuar në vendin tonë, Alastair King-Smith u shpreh se jemi të sigurt se tunelet nëntokësore në Kukës kanë një potencial të jashtëzakonshëm për zhvillimin e turizmit dhe njeherazi te ekonomise lokale.
Ish-punonjësi i bankës mashtron qytetaren, i merr 108 000 € për të shlyer borxhet e tij
Një 32-vjeçar, ish-punonjës i një banke të nivelit të dytë në Tiranë, është arrestuar pasi nëpërmjet mashtrimit, duke shpërdoruar detyrën, i ka marrë shumën prej 108 000 euro një 54-vjeçareje. Klevis Berberi, gjatë kohës që ka qenë punonjës i bankës ka marrë disa kredi të këqija si qytetar por edhe si punonjës. Për shkak të mosshlyerjes së tyre ai ishte shkarkuar nga puna. Por pak muaj para se të shkarkohej ai kishte nisur planin për shlyerjen e kredive nëpërmjet mashtrimit të klientëve të bankës.
Bllokohen dhjetëra mjete në Rrugën e Arbrit, shkak punimet në rrugë
Dhjetëra mjete janë bllokuar në Rrugën e Arbrit, konkretisht në vendin e quajtur ‘Shkalla e Tujanit’ për shkak se janë duke u bërë punimet.
Punimet po kryhen në skarpatën e rrugës dhe rënia e gurëve masiv në rrugë ka detyruar automjetet të pengohen në lëvizjen e tyre. Një situatë e tillë është prej disa muajsh në këtë aks rrugor teksa drejtuesit e mjeteve bllokohen pa paralajmërim.
"Aldorjana kërkonte drejtësi për babanë, u fut në polici për t'u mbrojtur", flet e afërmja e efektives që vrau veten në Tiranë
Një ngjarje e rëndë ka ndodhur me 24 maj në Tiranë, ku një efektive u vetëvra me armën e shërbimit. Efektivja 21-vjeçare Aldorjana Loshi, e cila shërbente në Komisariatin e Policisë nr.5 mendohet se ka kryer vetvrasjen me armën e shërbimit.
Për të folur mbi këtë temë në një lidhje të drejtpërdrejtë telefonike me gazetaren Aida Topalli, e afërmja e efektives u shpreh se Aldorjana ishte e dhunuar sistematikisht si nga ana fizike ashtu dhe nga ana psikologjike nga familja e saj.