Arrestohen dy punonjës të IMT-së të akuzuar për korrupsion, dy të tjerë në kërkim

Thursday, 28 August 2025 11:32

• Written by /stop.tvklan.al

Policia e Shtetit dhe SPAK kanë ndërmarrë një operacion për arrestimin e disa personave, punonjës të Inspektoriatit të Mbrojtjes së Territorit, të dyshuar për korrupsion.

Mësohet se dy persona janë arrestuar, ndërsa të paktën dy të tjerë janë shpallur në kërkim.

Operacioni vjen pas denoncimit të bërë më herët në polici se këta persona merrnin para te biznese të ndryshme.

Më herët gjatë ditës së sotme, policia ka vënë në pranga ish-kryeinspektorin e Inspektoratit të Mbrojtjes së Territorit (IMT) në Bashkinë Durrës, Ardian Halili, i akuzuar për ndërtim të paligjshëm në një zonë bregdetare në fshatin Shetaj të Ishmit.

Objekti në fjalë është një resort luksoz, i njohur me emrin “Restorant Saint Michelle Camping Hotel”, i cili përfshin ndërtesa banimi, ambiente me pishina, palma dhe struktura të tjera shërbimi.

Sipas hetimeve paraprake, kompleksi dyshohet se është ndërtuar pa leje në vitin 2017, periudhë kur Halili mbante funksione publike pranë Bashkisë së Durrësit.

Burri vrau gruan në Greqi, 4 fëmijët merren në kujdestari nga tezja e tyre

Thursday, 28 August 2025 11:22

• Written by /stop.tvklan.al

Pas ngjarjes së rëndë ku një grua 36-vjeçare humbi jetën si pasojë e dhunës së ushtruar nga bashkëshorti i saj, autoritetet greke po finalizojnë procedurat për kujdestarinë e katër fëmijëve të saj. Familjarët e viktimës kanë konfirmuar se është vendosur që të afërmit më të ngushtë konkretisht motra e saj të kujdeset për fëmijët.

Tezja e tyre, e cila aktualisht banon dhe është e punësuar në ishullin e Skiathosit, ka pranuar të marrë përgjegjësinë për rritjen e fëmijëve, përfshirë vajzën 18-vjeçare dhe tre të miturit e tjerë. Ata pritet të zhvendosen së shpejti pranë saj.

Avokati i familjes ka bërë të ditur se gjykata e Volosit është në fazën përfundimtare të shqyrtimit të çështjes dhe pritet që Prokuroria të lëshojë vendimin përfundimtar ditën e nesërme. Raporti i hartuar nga Shërbimet Sociale është pozitiv dhe vlerëson se tezja ofron një ambient të sigurt dhe të përshtatshëm për jetesën dhe mirëqenien e fëmijëve.

Të katërt fëmijët kanë shprehur qartazi dëshirën për të qëndruar me të afërmen e tyre, ndërkohë që ndodhen ende nën ndikimin e thellë emocional të traumës së shkaktuar nga humbja tragjike e nënës dhe akti kriminal i babait të tyre.

Nga shtatori bëni gati 10€ për të kaluar në tunelin e Llogarasë

Wednesday, 27 August 2025 21:21

• Written by JOQ

Nga muaji shtator, drejtuesit e mjeteve që do të kalojnë në tunelin e Llogarasë do të duhet të paguajnë një tarifë prej 10 eurosh për vajtje-ardhje në segmentin Dukat–Palasë.

Deri më tani, kalimi ka qenë falas, pasi qeveria kishte vendosur që rruga të përdorej pa pagesë gjatë gjithë sezonit turistik veror. Sipas parashikimeve, deri më 15 shtator qarkullimi do të vijojë pa tarifë, ndërsa më pas do të nisë zbatimi i pagesës.

Read more ...

Shtohen kullat e stadiumit të Vlorës, Korporata ndryshon projektin e belgëve, nga 4 e bën me 10

Tuesday, 26 August 2025 19:44

• Written by kapitali.al

Stadiumi i Vlorës do të ketë 10 kulla, mes të cilave edhe një përbindësh me 40 kate. Korporata e Investimeve Shqiptare ka ndryshuar thuajse tërësisht projektin e studios belge XDGA, që u shpall fituese në konkursin ndërkombëtare duke shtuar 6 kulla, nga 4 që kishte projekti fillestar.

Projekti i ri me 10 kulla i stadiumit te Vlores

Varianti fillestar i studios belge përmbante vetëm 4 kulla me lartësi 50 metër secila në kompleksin sportiv. Por varianti i ri, i ndryshuar parashikon 10 kulla mes të cilave dhe një më lartësi 40 kate, që do të quhet “Kulla Flamurtari”.

Read more ...