Një ditë pasi policia shpalli në kërkim edukatoren e kopshtit “Gledis”, Rudina Gërdani për shkak se dhunoi një fëmijë 3 vjeçar, ka nisur edhe procedimi për bashkëshortin e saj, 63-vjeçarin me iniciale I.G.
Sipas policisë, ky person ka kërcënuar përmes telefonit babain e të miturit, shtetasin Lorenc Rapa që të mbyllë çështjen.
Në Gjykatën e Posaçme kundër Krimit të Organizuar dhe Korrupsionit u zhvillua këtë të mërkrurë seanca gjyqësore ndaj Sokol Idrizajt dhe familjes së tij . SPAK kërkoi dënimin ish-shoferit të drejtorit të Policisë Ardi Veliu, bashkë me familjen e tij, gruan dhe dy vajzat.
E gjithë familja është vënë nën akuzë nga SPAK për pjesëmarrje në grup të strukturuar kriminal. Gjatë dëshmisë së tij në gjyq, Idrizaj hodhi poshtë akuzat dhe theksoi se mediat kishin abuzuar me rastin, duke shpifur dhe baltosur emrin e tij dhe të familjes.
Ilir Beqaj, Klodian Rrjepaj dhe Ilir Rrapaj vepruan si grup kriminal me qëllim përvetësimin e fondeve. Kështu deklaroi gjyqtarja e hetimit paraprak Flojera Davidhi gjatë seancës me dyer të mbyllura në të cilën deklaroi akuza të reja për ish-ministrin e shëndetësisë që zyrtarisht akuzohet për vjedhje duke shpërdoruar detyrën në bashkëpunim dhe grup kriminal.
Kur dëgjoi rëndimin e pozitës ish ministri kërkoi gjykim të shkurtuar, siç kishin vepruar më herët edhe tetë të tjerët e dosjes së sterilizimit. Ndërkohë si anëtarë të këtij grupi kriminal dhe vjedhje duke shpërdoruar detyrën ju kërkua SPAK që tua adresojë edhe ish zëvendës ministrit të shëndetësisë dhe biznesmenit Ilir Rrapaj, i cili kur dëgjoi akuzat e reja humbi ndjenjat në gjykatë .
Flet për herë të parë, Lorenc Rrapa babai i Priamit 3-vjeçar i cili u dhunua në ambientet e kopshtit privat. Ai ka treguar se djali kishte 3 muaj që shkonte në kopshtin “Gledis” në zonën e Astirit, më herët ai ishte në një kopsht tjetër nga ku prindërit e kanë hequr pasi edhe atje panë shenja të keqtrajtimit ndonëse siç pretendon Lorenci jo në këto nivele.
“Momenti i fillimit ka qenë data 20. Kur u nisëm për të çuar Priamin në kopsht ai nuk pranoi. Unë vendosa ta bëja ditën pushim që të qëndronim me familjen. Në darkë kur nusja i bëri dush Priamit dhe shikon të krahu i majtë ishte pak i nxirë. Ai i tha “mos e prek vetëm puçe, më ka kapur Rudi”. Unë e dëgjova dhe e pyeta prapë kush e kishte kapur ai më tha prapë Rudi. Ai po bënte rreth 3 muaj atje. Më herët unë kam qenë në punë dhe nuk kam vënë re shenja dhunë më parë. Mendoja se e kisha lënë djalin të qetë në kopsht”, tha Lorenc Rrapa.
Një grup përdoruesish të LinkedIn Premium ka ngritur një padi kundër platformës, duke e akuzuar për ndarjen e mesazheve të tyre private me kompani të tjera për të trajnuar modelet e inteligjencës artificiale (AI). Padia pretendon se në gushtin e kaluar, LinkedIn prezantoi një cilësim privatësie që lejonte automatikisht përdoruesit të përfshiheshin në një program për ndarjen e të dhënave personale me palë të treta për trajnim të AI.
Sipas padisë, një muaj më vonë, LinkedIn ndryshoi politikën e privatësisë për të përfshirë një deklaratë që lejonte përdorimin e informacionit të përdoruesve për trajnim të AI, duke fshehur kështu ndryshimet nga publiku. Përdoruesit pretendojnë se platforma ndryshoi gjithashtu seksionin "Pyetjet e bëra shpesh", duke kufizuar mundësinë për të mos ndarë të dhënat e tyre për AI, duke krijuar një përshtypje se po përpiqej të mbulonte gjurmët e saj.
