Ndryshimet e komanduara të bashkiakëve, shkelje e të drejtës së votës së qytetarit

Thursday, 13 March 2025 11:31

• Written by /JOQ

Dorëheqjet e ditëve të fundit të bashkiakëve socialistë dhe emërimet e zëvendësuesve të tyre “të komanduar”, kanë sjellë për fat të keq eliminimin e të drejtës së popullit për zgjedhjen e drejtuesve të tyre lokalë dhe rrjedhimisht reduktim të thellë të përfaqësimit në organet drejtuese.

Këshilli i Bashkisë së Matit është mbledhur sot dhe miratoi dorëheqjen e kryebashkiakut Agron Malaj i cili do të jetë pjesë e listës për deputet në Qarkun Dibër në zgjedhjet e 11 Majit, dhe shpejt e shpejt miratoi kryetarin e ri Myslym Zeneli.

Ndërkohë në Tepelenë është komanduar nënkryetarja aktuale e bashkisë, Julinda Karteri.

Të paktën 3 bashkiakë socialistë janë dorëhequr për të kandiduar në zgjedhjet e përgjithshme të majit, dhe kjo ka bërë që ndryshimet e papritura dhe të komanduara të ngrjenë shqetësime lidhur me demokracinë lokale dhe ndikimin në të drejtën e votës së qytetarëve.

Ekspertët thonë se kjo praktikë merr më shumë rëndësi kur bashkiakët veprojnë për të siguruar ndihmën e administratës për forcimin e pozicioneve partiake, madje është një formë presioni që zvogëlon autonominë e administratës lokale.

Një tjetër aspekt është se “komandimi” i bashkiakëve nënkupton shkeljen e parimeve të autonomisë lokale. Bashkitë duhet të jenë institucione të pavarura dhe të veprojnë në interes të qytetarëve të tyre, por kur ato bëhen të varura nga udhëzimet e partive qendrore, ato humbasin besimin dhe kredibilitetin si instanca që mbrojnë interesat e publikut.

Kjo gjithashtu dëmton lidhjen mes administratës dhe qytetarëve, duke i bërë ata të ndjehen të larguar dhe të paaftë për të ndikuar në politikat që prekin jetën e tyre.

Autonomia e bashkive është e rëndësishme për ruajtjen e një shteti të drejtpërdrejtë dhe për ndihmën në zhvillimin e shoqërisë civile, por duket qartë se kjo nuk përbën rëndësi për qeverinë aktuale.

Rritet volumi i parasë “cash” në qarkullim, 422 mld lekë jashtë bankave shqiptare në janar

Thursday, 13 March 2025 09:00

• Written by /JOQ

Sasia e parave që qarkullon jashtë bankave në vend arriti në më shumë se 422 miliardë lekë apo rreth 4.2 miliardë euro në janar. Në raport me të njëjtën periudhë një vit më parë, paraja “cash” u shtua me 34 miliardë lekë.

Kjo është një dështim i qeverisë në reduktimin e fenomenit të pastrimit të parave të pajustifikuara të korrupsionit apo aktivitetit kriminal.

Ekspertët ankohen se mes këtyre shumave ka para që vijnë nga aktivitete kriminale nga brenda apo jashtë vendit tonë, edhe pse për bizneset dhe individët do të thotë më shumë liri financiare apo reduktim i burokracive bankare.

Totali i parasë që qarkullon në ekonominë shqiptare llogaritet në 1.79 trilionë lekë, ndërsa paraja informale përbën gati 23 për qind. Në vendet e Bashkimit Evropian ky tregues raportohet se nuk e kalon nivelin 9 për qind.

Ekspertë të ekonomisë vlerësojnë se qarkullimi kaq i madh i parave jashtë bankave është shkaku kryesor i zhvlerësimit të euros dhe valutave të tjera.

Kjo “traditë” e pagesave me para në dorë i hap shtigje informalitetit dhe e bën të vështirë luftën ndaj pastrimit të parave, edhe pse autoritetet thonë se po luftojnë fenomenin për të vënë nën kontroll fluksin e lëvizjes së parasë në

Apeli lë 18 vite në burg ish-policin Arjan Tase që vrau me skaf 7-vjeçaren në Himarë

Thursday, 13 March 2025 08:37

• Written by /JOQ

Gjykata e Vlorës ka dënuar me 18 vite burg ish-policin Arjan Tase për tragjedinë e 2 viteve më parë kur ai goditi për vdekje me skaf 7-vjeçaren Jonada Avdia në Himarë.

Apeli mësohet se ka hedhur poshtë kërkesën e tij dhe ka konfirmuar vendimin e mëparshëm, duke lënë Tasen të vuajë 18 vitet e dënimit, megjithëse pritet një reduktim prej një të tretën e periudhës që do të kalojë në burg, sipas nenit 406/1 të Kodit të Procedurës Penale.

Vendimi ka ardhur pas apelimit të Tases, i cili ka kërkuar uljen e dënimit të dhënë nga Gjykata e Shkallës së Parë në Vlorë.

Arjan Tase u shpall fajtor për ‘vrasje me dashje’ kur skafi i tij pranë bregut goditi për vdekje fëmijën, në ngjarjen që shokoi opinionin publik 2 vjet më parë.

Në gushtin e 2022 familja Avdia, me origjinë nga Tropoja, kishte ardhur për pushime në Potam të Himarës, pasi prej vitesh jetonin në Angli, kur fatkeqësisht i goditi tragjedia.

500 mijë euro ‘të thata’, apartament dhe garazh i sekuestrohen ish-zyrtares Alda Klosi

Thursday, 13 March 2025 08:23

• Written by /JOQ

Gjykata e Tiranës ka konfiskuar sot pasuritë e ish-zyrtares së financave Alda Klosi dhe ish-bashkëshortit të saj, ku përfshihet një apartament, garazh dhe një shumë prej 500 mijë euro para të thata.

Shumat e pajustifikueshme të drejtoreshës së ish-ministrit Arben Ahmetaj ishin subjekt deklarimi prej vitit 2016, dhe reflektojnë nivelin e lartë të korrupsionit dhe abuzimit me fondet publike në administratë.

Prokuroria tha sot se 368.000,00 (treqind e gjashtëdhjetë tetëmijë) lekë, 15.600,00 (pesëmbëdhjetë mijë e gjashtëqind) dollarë amerikan, 462.950,00 Euro, janë sekuestruar për llogari të procedimit penal, mes të tjerave.

Klosi ishte në qendër të skandalit të vjedhjes së më shumë se rreth 700 000 euro nga pastruesja në shtëpinë e saj, çka solli më pas zbulimin e abuzimeve madhore të zyrtares.

Njoftimi i Prokurorisë:

Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm Tiranë, gjykata konfiskoi pasuritë e shtetases A.K. dhe ish-bashkëshortit të saj, të akuzuar për veprën penale ‘Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur e nëpunësve publik ose i çdo personi tjetër që ka detyrim ligjor për deklarim’ parashikuar nga neni 257/a/2 i Kodit Penal.

Nga procedimi pasuror nr.05, 2022, rezultoi se e pandehura/subjekti i hetimit pasuror A.K. e cila është përfshirë si subjekt deklarimi në ILDKPKI që në vitin 2016, nuk ka deklaruar në këtë institucion pasurinë që nuk e justifikon atë me burime të ligjshme të të ardhurave.

Nga analiza e fakteve dhe e dokumentacionit të administruar rezulton se pasuritë e paluajtshme të llojit apartament dhe garazh, që zotërohen nga ajo dhe nga personi i lidhur, janë pasuri të pajustifikuara nga të ardhurat e ligjshme. Këto pasuri të paluajtshme janë fshehur dhe nuk janë deklaruar në deklaratat e ILDKPI nga personi i hetuar A.K.

Sa më sipër, si dhe në mbështetje të neneve 3, 5, 7, 12/b, 14, 15 deri në 22, 23, 24, 28-38 e vijues, të Ligjit nr.10192 datë 03/12/2009 “Për parandalimin dhe Goditjen e Krimit të Organizuar dhe Trafikimit Nëpërmjet Masave Parandaluese kundër Pasurisë”, i ndryshuar, si dhe në nenin 302 të Kodit të Procedurës Civile, me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm Tiranë u konfiskuan pasuritë e mëposhtme:

Shuma monetare 368.000,00 (treqind e gjashtëdhjetë tetëmijë) Lekë, 15.600,00 (pesëmbëdhjetë mijë e gjashtëqind) USD dollarë amerikan, 462.950,00 (katërqind e gjashtëdhjetëedymijë e nëntëqindepesëdhjetë) Euro, sekuestruar për llogari të procedimit penal nr. 9220/2022 dhe arkëtuar në llogarinë e Prokurorisë në 10.01.2023;

Apartament me siperfaqe 85.09 m2 të shfrytëzueshme me numër pasurie 6/572+1-35, ZK 8210, Vol. 42,Fq 127 pasuri e ndodhur në Tiranë, në pronësi të shtetasit A.K.; dhe

Garazh me sipërfaqe 14.06 m2 të shfrytëzueshme, pasuri e ndodhur në Tiranë, në pronësi të shtetasit A.K.