Mitsotakis pas takimit me Erdoğanin: Dy vende që ndajnë kufi të përbashkët duhet të veprojnë krah për krah

Thursday, 07 December 2023 22:36

• Written by AA

Kryeministri i Greqisë, Kyriakos Mitsotakis tërhoqi vëmendjen në vazhdimin e marrëdhënieve të vendit të tij me Türkiyen, në një mënyrë shumë të mirë, pas takimit me presidentin turk, Recep Tayyip Erdoğan.

Erdoğan dhe Mitsotakis u takuan në Athinë, në kuadër të vizitës së presidentit turk në Greqi.

Në konferencën e përbashkët për media pas takimit të mbajtur në kryeministri, Mitsotakis tha se këtë vit të dyja vendet kanë pësuar fatkeqësi natyrore, ndërsa konfliktet dhe luftërat që kanë ndodhur në mbarët botën paraqesin shumë probleme për vendet.

Ai theksoi gjithashtu se kanë ndodhur edhe disa situata që kanë kërcënuar sigurinë dhe paqen në Mesdheun Lindor. "Është shumë e rëndësishme që të dyja vendet në mënyrë shumë të mirë së bashku, në një mjedis të qetë të vazhdojnë marrëdhëniet e tyre. Është shumë e rëndësishme të jemi në gjendje të gjejmë zgjidhje për problemet e përjetuara nga secila palë", u shpreh ai.

"Dy vende që ndajnë kufi të përbashkët duhet të veprojnë krah për krah dhe së bashku. Ne të dy duhet të krijojmë të ardhme të mirë si kapitenë të një anijeje që lundron nëpër ujëra më të qeta, me një erë të këndshme", tha Mitsotakis duke shtuar se ka shumë në Greqi dhe Türkiye që nuk i bashkohen kësaj qasjeje të përbashkët.

Burimi: AA

Erdoğan: Nuk ka asnjë çështje mes Turqisë dhe Greqisë që nuk mund të zgjidhet

Thursday, 07 December 2023 22:32

• Written by Mexhlis

Pas takimit në Athinë me kryeministrin grek, Kyriakos Mitsotakis, presidenti turk, Recep Tayyip Erdoğan ka deklaruar se nuk ka asnjë çështje midis Türkiyes dhe Greqisë që nuk mund të zgjidhet.

"Është shpresa jonë për të zgjidhur çështjet tona nëpërmjet dialogut konstruktiv dhe marrëdhënieve të fqinjësisë së mirë në kuadër të kornizës së ligjit ndërkombëtar", tha presidenti Erdoğan në konferencën e përbashkët për media me kryeministrin Mitsotakis.

"Do të jetë në interes të të gjithë rajonit që të arrihet një zgjidhje e drejtë, e përhershme dhe e qëndrueshme për çështjen e Qipros mbi bazën e realiteteve në ishull", theksoi presidenti turk.

Më tej, presidenti turk tha se duan të kthejnë Egjeun në një det paqeje dhe bashkëpunimi.

"Ne aspirojmë të japim shembull për botën me hapat e përbashkëta që do të bëjmë si Türkiye dhe Greqi", tha ai.

Lidhur me takimin me kryeministrin grek, Erdoğan tha se të dyja palët shkëmbyen mendime për qëndrimet e tyre në lidhje me Egjeun dhe Mesdheun Lindor.

"Ne u kemi kërkuar ministrave tanë të jashtëm të diskutojnë çështjet e lidhura (me këtë)", shtoi ai.

Erdoğan foli edhe për luftën e Izraelit në Rripin e Gazës, ku nga sulmet e pamëshirshme izraelite që nga 7 tetori janë vrarë të paktën 16.248 palestinezë dhe më shumë se 43.616 të tjerë janë plagosur.

"Shndërrimi i asaj që ndodhi në një ndëshkim kolektiv të popullit të Gazës, masakrimi i 17 mijë civilëve palestinezë të pafajshëm, prek ndërgjegjen", tha presidenti Erdoğan.

Burimi: AA

Gaza, vajza e vogël palestineze nën rrënoja u përpoq ta qetësojë motrën e saj duke lexuar Kuran

Thursday, 07 December 2023 22:23

• Written by AA

Vajza palestineze Mariya Ahmed Abu Safi e cila u shpëtua pas 4 ditësh nga rrënojat me motrën e saj në Gaza, tha se për të qetësuar motrën e saj nën rrënoja ka lexuar Kuran por që kur dëgjonte tanket e ulte zërin sepse kishte frikë nga bombardimet izraelite.

Mariya, e cila bashkë me motrën e saj qëndroi për 4 ditë nën rrënoja pasi Izraeli bombardoi shtëpinë tyre në qytetin Deir al-Balah në pjesën qendrore të Rripit të Gazës, në një prononcim për Anadolu shpjegoi përjetimet e saj gjatë këtyre 4 ditëve.

Mariya dhe motra e saj Lana pasi u shpëtuan u dërguan në spitalin "Dëshmorët e Al-Aksa"-së në Deir al-Balah.

Vajza e vogël në fytyrën e së cilës mund të lexohet lodhja dhe rraskapitja, theksoi se "Qëndrova për 4 ditë pa ushqim dhe pa ujë në një vend shumë të ngushtë mes gurësh dhe rrënojash. Këmbët e motrës sime u bllokuan nën rrënoja dhe ajo bërtiste nga dhimbja. Ajo qëndroi në atë mënyrë për 3 ditë deri sa nxori këmbët".

- "Ulja zërin tim kur dëgjoja tanket"

Duke thënë se përpiqej ta ngushëllonte dhe qetësonte motrën e saj që kishte dhimbje, duke lexuar ajete (pjesë) nga Kurani, Mariya tha se motra e saj Lana fillonte të bërtiste kur i shtohej dhimbja.

"Derisa lexoja Kuran, e ulja zërin tim sapo dëgjoja tanket për shkak se kisha frikë nga bombardimet izraelite", tregon vajza palestineze.

Më tej Mariya shpreh se herë-herë dëgjonte forcat izraelite që hapnin zjarr dhe se motra e saj kishte vështirësi të flinte për shkak të dhimbjeve. "Sa herë që Lana pyeste për nënën, babanë dhe anëtarët e tjerë të familjes, unë përpiqesha ta qetësoja, ta ngushëlloja. Pasi e zinte gjumi, sa herë që zgjohej pyeste për nënën", thotë Mariya.

Ajo tha se ekipet e shpëtimit fillimisht nxorën nga rrënojat Lanan dhe më pas atë. Mariya theksoi se me motrën e saj fillimisht u transportuan me një karrocë me kalë dhe më pas me një automjet u dërguan në spitalin ku u trajtuan.

Burimi:AA

"Mjekët pa Kufij" i bëjnë thirrje Izraelit të ndalojë bombardimin pa bërë dallim në Gaza

Thursday, 07 December 2023 11:52

• Written by AA

Organizata "Mjekët pa Kufij" i bëri thirrje Izraelit të ndalojë bombardimet "pa bërë dallim" ndaj Gazës dhe ritheksoi nevojën për një armëpushim.

"Për herë të parë dje, numri i njerëzve të vrarë që mbërritën në spitalin Al-Aksa të mbështetur nga Mjekët pa Kufij e tejkaloi numrin e të plagosurve. 115 njerëz të vrarë në 24 orë", tha organizata humanitare në X, duke shtuar: "Spitali është i stërmbushur, morgu është i stërmbushur".

OJQ-ja u kërkoi gjithashtu forcave izraelite të mbrojnë civilët dhe infrastrukturën civile.

Izraeli rifilloi ofensivën e tij ushtarake në Rripin e Gazës më 1 dhjetor pas përfundimit të një pauze humanitare njëjavore me grupin palestinez Hamas.

Të paktën 16.248 palestinezë janë vrarë dhe më shumë se 43.616 të tjerë janë plagosur në sulmet e pamëshirshme ajrore dhe tokësore ndaj enklavës së bllokuar që nga 7 tetori pas një sulmi ndërkufitar nga Hamasi.

Burimi: AA