Lidhje

site logo site logo
Paraardhëse Tjetra
Lajm i Fundit
Editorial Analiza Pasazhe

Home Aktualitet Bota


BE përgatitet për hakmarrje tregtare nëse negociatat me SHBA-në dështojnë

Friday, 09 May 2025 08:33

Një seri e re produktesh amerikane është vënë në shënjestër të tarifave të mundshme të BE-së, përfshirë kampionin e hapësirës ajrore Boeing, në rast se negociatat me administratën amerikane përfundojnë në bllokim, njoftoi të enjten Komisioni Evropian.

 

“Ne besojmë se mund të bëhen marrëveshje të mira në dobi të konsumatorëve dhe bizneseve në të dyja anët e Atlantikut”, tha presidentja e Komisionit, Ursula von der Leyen, në një deklaratë, duke shtuar megjithatë: “Në të njëjtën kohë, ne vazhdojmë të përgatitemi për të gjitha mundësitë”.

 
 
 

Që nga mesi i marsit, SHBA-të kanë vendosur tarifa prej 25% për aluminin dhe çelikun e BE-së, 25% për makinat dhe një tarifë të përgjithshme prej 10% për të gjitha importet e BE-së.

Read more ...


Holanda përgatitet për një luftë të mundshme me Rusinë

Friday, 09 May 2025 08:20
 Amsterdami po përgatitet për një konflikt të mundshëm të armatosur me Moskën – paralajmëron shefi i inteligjencës holandeze.

Zëvendësadmirali Pieter Reesink, kreu i inteligjencës ushtarake holandeze (MIVD), i tha Politico se përshkallëzimi ushtarak në rritje i Rusisë tregon për përgatitje për një luftë të ardhshme – dhe jo vetëm në Ukrainë.

 

Në vitin 2024, buxheti i mbrojtjes së Rusisë u rrit në 149 miliardë dollarë – 38 për qind më shumë se vitin e kaluar, dhe dy herë më i lartë se sa ishte në vitin 2015.

“Rusia po prodhon shumë më tepër artileri – me ndihmën e huaj – sesa i nevojitet për Ukrainën”. tha Reesink.

 

Ai paralajmëroi se Moska nuk po rimbush vetëm arsenalin, por po zhvendos fuqinë zjarrvënëse më pranë kufijve të NATO-s, përfshirë vendet baltike dhe Finlandën.

 

Reesink beson se Rusia mund të jetë gati për luftën e ardhshme brenda një viti – nëse prodhimi i armëve vazhdon dhe Kremlini ende ka vullnet për të luftuar.

“Holanda, ashtu si pjesa tjetër e NATO-s, ndodhet në një fazë të gatishmërisë së shtuar”, shtoi ai. 


Netanyahu k.ërcënon me s.ulme të mëtejshme në Jemen, edhe pa mbështetjen e SHBA-së

Thursday, 08 May 2025 19:16

Kryeministri izraelit Benjamin Netanyahu kërcënoi të mërkurën në mbrëmje se ushtria e tij do të kryejë sulme të tjera ndaj Jemenit edhe nëse “miqtë e tij amerikanë” nuk do të bashkohen.

 

Komentet e tij erdhën një ditë pasi SHBA-ja dhe grupi Huthi i Jemenit arritën një marrëveshje armëpushimi, të ndërmjetësuar nga Omani, e cila nuk e përfshin Izraelin.

Read more ...


Vance bën thirrje për bisedime direkte Moskë-Kiev

Thursday, 08 May 2025 08:31

Nënpresidenti amerikan, JD Vance, bëri thirrje për negociata të drejtpërdrejta mes Ukrainës dhe Rusisë, duke thënë se një marrëveshje për t’i dhënë fund luftës së Moskës kundër shtetit fqinj mund të mos arrihet pa një format të tillë të negociatave.

 

Në deklaratat e bëra më 7 maj, Vance tha se Rusia “po kërkon shumë”, por po ashtu sugjeroi se Ukraina nuk duhet të fiksohet në idenë e një armëpushimi 30-ditor. Ai tha se dallime janë të mëdha, por shtoi se është optimist se ka gjasa për përfundimin e luftës.
 

“Nuk është e nevojshme të pajtoheni me arsyetimin rus për luftën, por duhet të kuptoni prej nga vjen ky arsyetim – t’i shtyjmë ata të flasin për atë që kërkojnë për t’i dhënë fund luftës”, tha Vance në një ngjarje në Uashington. “Rusët po kërkojnë një sërë gjërash dhe ne mendojmë se po kërkojnë shumë”.

 

“Hapi që duhet të ndërmarrim tani është që Rusia dhe Ukraina të fillojnë të bisedojnë me njëra-tjetrën. Mendojmë se ndoshta është e pamundur të ndërmjetësojmë plotësisht të gjithë procesin pa pasur të paktën disa negociata të drejtpërdrejta”, tha ai.
 

Deklaratat e Vance, i cili javën e kaluar tha se lufta më e madhe në Evropë që nga viti 1945 nuk do të përfundojë “së shpejti”, u bënë pas sulmeve të mëdha me dronë mes Rusisë dhe Ukrainës, që u kryen në prag të përkujtimit të Luftës së Dytë Botërore më 8 dhe 9 maj.

 

Në fund të muajit të kaluar, presidenti rus, Vladimir Putin, tha se do të aplikojë një armëpushim 72-orësh nga 8 maji deri më 10 maj dhe ftoi Kievin të bëjë të njëjtën gjë. Presidenti ukrainas, Volodymyr Zelensky, tha se njoftimi i tillë është propagandë dhe Rusia duhet të pajtohet për një armëpushim 30-ditor, pa kushte, në linjë me propozimin e SHBA-së të bërë në mars. Atëbotë, Ukraina ishte pajtuar me propozimin amerikan, por jo edhe Rusia.


India apo Pakistani, cilat janë aftësitë ushtarake të dy fuqive bërthamore?

Thursday, 08 May 2025 08:22

Sulmet ajrore të Indisë në Kashmirin e kontrolluar nga Pakistani pas sulmit vdekjeprurës militant të muajit të kaluar në anën e administruar nga India të rajonit të diskutueshëm kanë ngritur frikën e një përshkallëzimi të rrezikshëm në konflikt.

Ende nuk dihet se çfarë armësh specifike u përdorën në sulmet e mëngjesit të së mërkurës, të cilat Delhi tha se kishin në shënjestër “kampe terroriste”, megjithëse Islamabadi tha se u godit infrastruktura civile, përfshirë xhamitë.

 

Megjithatë, India raportohet se ka vendosur aeroplanë luftarakë Rafale të pajisur me raketa ajër-tokë SCALP.

Por ajo çfarë dihet është se fqinjët e armatosur me armë bërthamore kanë rritur kapacitetet e tyre ushtarake që kur u përleshën në një seri përleshjesh kufitare në vitin 2019.

Që nga viti 2024, India ka 36 aeroplanë luftarakë Rafale, tetë variante me dy vende dhe 28 variante me një vend, sipas Institutit Ndërkombëtar për Studime Strategjike (IISS).

Aeroplanët u blenë sipas një marrëveshjeje ndërqeveritare të vitit 2016 midis Indisë dhe Francës, e cila përfshinte një paketë armësh. Kjo paketë përmbante raketa MICA dhe SCALP.

Read more ...

Back to top
XS
SM
MD
LG