Presidenti i Venezuelës: Mafia shqiptare e Ekuadorit kërkon të sabotojë zgjedhjet tona

Tuesday, 20 May 2025 19:38

• Written by politiko.al

Presidenti i Venezuelës, Nicolas Maduro ka deklaruar publikisht se mafian shqiptare në Ekuador është kontraktuar për të kryer sulme terroriste më 25 maj, që përkon me ditën e zgjedhjeve në Venezuelë.

Duke folur në një komunikim direkt në mediat vendase, Maduro akuzoi shqiptarët që konktrollojnë grupet mafioze në Ekuador, se dërguan disa mercenarë për akte të tilla. “Mafia shqiptare që sundon Ekuadorin dërgoi disa nga mercenarët e saj për të vendosur bomba në Venezuelë. Ata janë kapur. Përballë kërcënimeve të reja: Votoni po, plumbat jo!", tha ai. 

Read more ...

Hije manipulimi për votat e publikut ndaj Izraelit në Eurovision, kërkohet audit nga Spanja

Monday, 19 May 2025 08:46

• Written by /Shqipëria ime

Izraeli mori vetëm 60 vota nga juritë e shteteve, por ndërkohë kapi vendin e dytë në Eurovision 2025 me 357 pikë në total, duke marrë një rekord prej 297 pikësh nga publiku, duke ngritur hije tek shumë shtete.

Kjo ka bërë që dhe tensionet midis RTVE (Transmetimi Publik i Spanjës) dhe Unionit Evropian të Transmetimeve (EBU) të vazhdojnë të përshkallëzohen.

Sipas burimeve të mediave të huaja pranë organizatës, transmetuesi publik i Spanjës ka vendosur të kërkojë një audit nga organizata përgjegjëse për televotimin në Eurovision.

Qëllimi i auditimit është të verifikojë rezultatet e televotimit spanjoll, pasi pretendojnë se publiku i tyre nuk e ka mbështetur këngën e Izraelit.

RTVE mori 142,688 vota në finalen e Eurovision të shtunën në mbrëmje, sipas raportit të kërkuar nga EBU, të dhëna të marra këtë të diel. Raporti fillestar i marrë nga Spanja ishte një listë e vendeve për të cilat dha më shumë vota, por nuk specifikonte numrin e votave për secilin.

NYU refuzon diplomën për studentin që dënoi Izraelin në fjalimin e diplomimit

Monday, 19 May 2025 08:28

• Written by /Mesazhi

Universiteti i Nju Jorkut (NYU) ka vendosur të mos i japë diplomën studentit Logan Rozos, pasi ai përdori fjalimin e tij të diplomimit për të dënuar veprimet e Izraelit në Gaza dhe për të akuzuar SHBA-në për bashkëpërgjegjësi në atë që ai e quajti “gjenocid”.

Rozos, i zgjedhur nga bashkëstudentët për të folur në ceremoninë e diplomimit të Shkollës Gallatin më 14 maj, kishte dorëzuar paraprakisht një version të ndryshëm të fjalimit, duke shkelur rregullat e universitetit. Fjalimi i tij u prit me duartrokitje nga disa pjesëmarrës, por gjithashtu shkaktoi reagime të ashpra nga grupe pro-izraelite. Zëdhënësi i NYU-së, John Beckman, deklaroi se Rozos “gënjeu për përmbajtjen e fjalimit që do të mbante” dhe se universiteti po ndërmerr masa disiplinore ndaj tij .

Ky incident ka ndezur debat rreth lirisë së shprehjes në kampuset universitare dhe presionit që universitetet amerikane po përballen nga administrata e Presidentit Trump për të ndëshkuar kritikat ndaj Izraelit. Ndërkohë, organizata të ndryshme kanë shprehur shqetësim për ndikimin e këtij vendimi në të drejtat e studentëve për të shprehur qëndrimet e tyre politike.

Kryeministri i Irakut: “Gjenocidi në Gaza ka arritur një shkallë të shëmtisë pa precedent në historinë e konflikteve”

Monday, 19 May 2025 08:15

• Written by /Masazhi

Gjatë Samitit të Ligës Arabe në Bagdad, kryeministri irakian Mohammed Shia al-Sudani njoftoi se Iraku do të kontribuojë me 40 milionë dollarë për rindërtimin e Gazës dhe Libanit, nga të cilat 20 milionë për Gazën dhe 20 milionë për Libanin.

Ai propozoi krijimin e një fondi arab për të mbështetur përpjekjet e rindërtimit pas krizave në rajon.

Sipas tij, vizioni i Irakut për zgjidhjen e konflikteve bazohet në të drejtën e plotë të popullit palestinez për një jetë të lirë dhe dinjitoze në tokën e tij.

Al-Sudani e përshkroi luftën në Gaza si një gjenocid me “një nivel shëmtie të paprecedentë në historinë e të gjitha konflikteve.”

Ai hodhi poshtë zhvendosjen e detyruar të palestinezëve dhe kërkoi ndalimin e masakrave në Gaza, sulmeve në Bregun Perëndimor dhe në territoret e pushtuara.

“Ne kemi kërkuar dhe vazhdojmë të kërkojmë veprim serioz dhe të përgjegjshëm arab për të shpëtuar Gazën dhe për të riaktivizuar UNRWA-në,” përfundoi ai