Kryeministri ka postuar në Instagram një foto ku shfaqet duke i bërë foto kullave në qendër të Tiranës. “My beautiful city” shkruan Rama teksa fikson në celularin e tij ngrehinat e larta pas bashkisë.
U mbajt dje seanca gjyqësore për ish-kryebashkiakun e Kukësit, Safet Gjicin, i akuzuar për korrupsion nëpërmjet aferës seksuale. Gjatë fjalës së tij në seancë gjyqësore, Safet Gjici është përlotur teksa ju ka kërkuar falje familjarëve dhe qytetarëve të Kukësit, ndërsa ka kërkuar pafajësi pasi pretendon se nuk ka shkelur asnjë ligj. Në dëshminë e tij para togave të zeza, Gjici shprehet se Alma Kaçi pasi e ka bërë videon ia ka dërguar pikërisht Abedin Oruçit. Sipas tij, ka qenë Alma Kaçi dhe bashkëpunëtori i saj, të cilët i kanë dhënë substancë narkotike, por kjo nuk hetohet nga Prokuroria.
“Njerëzit jetonin deri në 900 vjet”, shkencëtari rus pushohet nga puna! Deklaroi se mëkati mund të dëmtojë foshnjat e palindura. Një shkencëtar kryesor rus është pushuar nga puna pasi pretendoi se njerëzit jetonin për 900 vjet, por për shkak të mëkateve të paraardhësve tanë, ne tani kemi një jetë më të shkurtër. Pikëpamjet jo-shkencore u ndanë nga Dr Alexander Kudryavtsev, kreu i Institutit të Gjenetikës së Përgjithshme të Akademisë Ruse të Shkencave Vavilov. Dr Kudryavtsev, 60 vjeç, bëri një seri deklaratash të diskutueshme marsin e kaluar gjatë Konferencës së Tretë Shkencore dhe Teologjike Ndërkombëtare “Zoti – Njeriu – Bota”.
Arabia Saudite i ka njoftuar Shtetet e Bashkuara se nuk do të ketë marrëdhënie diplomatike me Izraelin nëse nuk njihet një shtet i pavarur palestinez bazuar në kufijtë e vitit 1967, që përfshijnë Jeruzalemin Lindor dhe ndalohet “agresioni” izraelit në Rripin e Gazës, thuhet në një deklaratë të Ministrisë së Jashtme saudite të publikuar të mërkurën. Të martën, zëdhënësi i Shtëpisë së Bardhë për Sigurinë Kombëtare, John Kirby, tha se administrata e Presidentit Biden ka marrë reagime pozitive se Arabia Saudite dhe Izraeli janë të gatshëm të vazhdojnë diskutimet për normalizimin e marrëdhënieve.
MUMBAI - Një postim në mediat sociale që pretendonte se një aktore indiane kishte vdekur për shkak të kancerit të qafës së mitrës dhe një video pasuese që njoftonte se ajo ishte gjallë, ka ndezur një debat të furishëm mbi enigmat etike që rrethojnë fushatat e publicitetit në internet. Të premten, llogaria zyrtare e Poonam Pandey në Instagram postoi një deklaratë duke thënë se aktorja 32-vjeçare kishte "luftuar me guxim sëmundjen" por më pas vdiq. Shumë i besuan postit; Mediat raportuan lajmin për vdekjen e saj brenda pak minutash dhe rrjetet sociale ishin plot homazhe për aktoren.
