Mjekët pezullojnë punën në privat! Efektet e hyrjes në fuqi të aktit normativ që u vështirëson dypunësimin
Ndonëse Akti Normativ, i cili kufizon punësimin e mjekëve në spitalet jopublike ka hyrë në fuqi, mjekët janë ende të paqartë. Disa prej tyre kanë pezulluar oraret e planifikuara me pacientët në spitalet private, por nuk dinë si do të vijojnë më tej. Në Ministrinë e Shëndetësisë thonë se po punohet për ta kompletuar me aktet nënligjore dhe këto ditë nis diskutimi në Komisionin e Shëndetësisë, me pas do të krijohet një regjistër elektronik me mjekët që do të kërkojnë të punojnë në spitale private.
Evropa Qendrore përballet me përmbytjet vdekjeprurëse, evakuohen mbi 51 mijë familje vetëm në Çeki
Shërbimet e urgjencës janë në gatishmëri nga përmbytjet në Evropën Qendrore dhe Lindore pasi reshjet e rrëmbyeshme frynë lumenjtë dhe dëmtuan mijëra shtëpi. Stuhia Boris rezultoi vdekjeprurëse në Rumani, ku katër persona humbën jetën gjatë përmbytjeve në rajonin juglindor të Galatit. Në Republikën Çeke, përmbytjet kanë çuar në evakuime dhe 51,000 familje në zonat veriore të vendit janë goditur nga ndërprerjet e energjisë, thotë kompania çeke e energjisë CEZ. Polonia evakuoi gjithashtu disa njerëz nga Glucholazy, një qytet afër kufirit çek, pasi një lumë doli nga brigjet e tij.
Nëse shihni këtë skenë natën, largohuni menjëherë
Imagjinoni sikur jeni duke ecur me makinë në një rrugë të qetë, qielli fillon të errësohet teksa mbrëmja bie, dhe papritur vëreni diçka të pazakontë në anë të rrugës… një karrocë fëmije të braktisur, pa askënd përreth.
Zemra ju rreh shpejt teksa instinktet ju shtyjnë të ndaloni dhe ta ndihmoni.Por sikur nëse ky skenar, i cili duket aq i pafajshëm, është një kurth i përgatitur me kujdes për të shfrytëzuar dhembshurinë tuaj? Në botën e sotme ku mashtrimi po bëhet gjithnjë e më i sofistikuar, edhe një akt i thjeshtë mirësie mund t’ju vërë në rrezik.
“Toka po zien”, shkencëtarët ngrenë alarmin për rritjen e temperaturave: Kjo ishte vera më e nxehtë në histori, por më e keqja s’ka ardhur akoma
Me “shkronjat e kuqe të ndezura” është shkruar në histori kjo verë. Shkencëtarët, bazuar në të dhënat e shërbimit evropian Copernicus, zbulojnë se kjo ishte vera më e nxehtë e regjistruar ndonjëherë. Por nuk ishte vetëm më e nxehta, por edhe më e gjata…, pasi temperaturat shumë të larta që nisën para fillimit zyrtar të verës u mbajtën pothuajse vazhdimisht në të njëjtat nivele, gjatë gjithë kohëzgjatjes së saj.
Shqetësuesja nuk është se temperaturat e larta (mbi 35 gradë Celsius) vazhduan edhe në javën e parë të shtatorit, duke arritur maksimumin historik në rajonet më veriore të Evropës, si Sllovenia, e cila për herë të parë në historia e tij regjistroi temperaturë mbi 35 gradë në shtator.
Te"l A"vivi nuk e lejon shefin e politikës së jashtme të BE-së, Josep Borell, të vizitojë I"sraelin!
Shefi i politikës së jashtme të Bashkimit Evropian, Josep Borrell, anuloi vizitën e tij të planifikuar në Izrael, sipas mediave izraelite të enjten. Borrell është aktualisht në një turne rajonal që e çoi atë në Egjipt dhe Liban për bisedime mbi tensionet aktuale rajonale mbi luftën e vazhdueshme të Izraelit në Rripin e Gazës.
Borrell njoftoi planet e tij për të vizituar Izraelin më 14-15 shtator, por Tel Avivi i kërkoi që të shtyjë vizitën për në fund të tetorit, e cila do të vinte pas përfundimit të mandatit të tij në Bruksel.