U rrah barbarisht nga policia serbe - I riu humb jetën, rasti që po revolton Sanxhakun

Tuesday, 03 February 2026 00:02

• Written by Mexhis

Një ngjarje e rëndë ka tronditur qytetin e Pazarit të Ri (Novi Pazar), ku Samir Dolovac, një banor lokal, ka humbur jetën pas një përplasjeje me policinë speciale serbe.

Dolovac dhe një tjetër person u ndaluan nga policia më 30 tetor të vitit të kaluar nën arsyetimin e zhurmës së lartë nga muzika në një lokal. Sipas dëshmive, kontrolli i thjeshtë u shndërrua në dhunë fizike: policia i rrëzoi, i goditi dhe i shkelmoi, madje i lidhi dhe i mbajti në paraburgim për dy ditë.

Pas lirimit, Dolovac u rikthye në shtëpi me lëndime serioze, përfshirë plagë në kokë. Gjendja e tij u përkeqësua me shpejtësi dhe ai u shtrua në spital, ku mjekët konstatuan gjakderdhje në tru. Pas rreth tre muajsh në gjendje të rëndë, Dolovac ndërron jetë më 21 janar.

Rasti ka shkaktuar revoltë dhe kërkesa për drejtësi në Sanxhak. Autoritetet vendase kërkojnë hetim të plotë, ndërsa prokuroria ka urdhëruar autopsi. Ndërkaq, Ministria e Punëve të Brendshme të Serbisë ka njoftuar se hetimi vazhdon, por deri tani asnjë polic i përfshirë nuk është suspenduar

KQZ shpall rezultatet në Kosovë, por bllokon Listën Serbe: nis beteja ligjore?

Sunday, 01 February 2026 11:29

• Written by Mexhis

Komisioni Qendror i Zgjedhjeve (KQZ) i Republikës së Kosovë ka shpallur dje më 31 janar 2026, rezultatet përfundimtare të zgjedhjeve të jashtëzakonshme parlamentare të 28 dhjetorit 2025, por me një zhvillim të paprecedentë: përbërja e Listës Serbe nuk është miratuar nga anëtarët e KQZ-së dhe për këtë pjesë të procesit do të ketë ankesa të mundshme në Panelin Zgjedhor për Ankesa dhe Parashtresa (PZAP).

Anëtarët e KQZ-së miratuan listat e kandidatëve për të gjitha partitë e tjera, por de facto refuzuan miratimin e përbërjes së Listës Serbe, partisë kryesore që përfaqëson komunitetin serb në Kosovë. Vendimi u mor me tre vota pro, dy vota kundër (nga përfaqësues të Lëvizjes Vetëvendosje) dhe pjesa tjetër e anëtarëve abstenuan.

Sipas të dhënave zyrtare të KQZ-së, rezultatet për partitë kryesore politike janë si më poshtë:

Vetëvendosje siguron 51.10 % të votave, që i siguron 57 ulëse në Kuvendin e Kosovës;

Partia Demokratike e Kosovës merr 20.19 % të votave dhe 22 ulëse;

Lidhja Demokratike e Kosovës përfitoi 13.24 % të votave duke fituar 15 ulëse;

Aleanca për Ardhmërinë e Kosovës mori 5.50 % të votave, që përkthehen në 6 ulëse në parlament.

Nga ulëset e rezervuara për komunitetet minoritare, sipas rezultateve paraprake, Lista Serbe kishte fituar nëntë ulëse në Kuvend, ndërsa një ulëse e rezervuar ishte e destinuar për Partinë për Liri, Drejtësi dhe Mbijetesë. Megjithatë, përbërja e këtyre ulëseve për Listën Serbe nuk është miratuar nga KQZ-ja sot, dhe rezultati i tyre do të jetë objekt ankesash zyrtare në PZAP brenda afateve ligjore.

Kryetari i KQZ-së, Kreshnik Radoniqi, njoftoi se palët kanë 48 orë kohë për të paraqitur ankesa ndaj rezultatit para Panelit Zgjedhor për Ankesa dhe Parashtresa, duke e lënë të hapur mundësinë e sfidimit të vendimit për Listën Serbe.

LDK në krizë: Abdixhiku i mbijeton votëbesimit me diferencë të ngushtë

Sunday, 01 February 2026 10:42

• Written by Mexhis

Kuvendi i jashtëzakonshëm i Lidhjes Demokratike të Kosovës i mbajtur dje u shndërrua në një moment kyç për fatin politik të partisë, pas rezultateve të dobëta në zgjedhjet parlamentare të 28 dhjetorit 2025. Kryetari i LDK-së, Lumir Abdixhiku, doli para delegatëve duke ofruar dorëheqjen nga posti, duke kërkuar që Kuvendi të vendoste përmes një votëbesimi nëse ai duhej të vazhdonte apo jo në krye të partisë.

Read more ...

Kosova mungon në strategjinë e SHBA-së – çfarë po ndryshon realisht?

Friday, 30 January 2026 10:26

• Written by Mexhis

Shkrimi i Veton Surroit me titull "A jemi në Strategjinë amerikane të mbrojtjes?" ndalet te një sinjal i fortë gjeopolitik: mungesa e Kosovës dhe Ballkanit Perëndimor në Strategjinë Kombëtare të Mbrojtjes të SHBA-së për vitin 2026. Autori e lexon këtë jo si braktisje, por si tregues të një ndryshimi paradigme, ku rajoni nuk shihet më si vatër rreziku strategjik për Uashingtonin. Fokusi amerikan zhvendoset drejt Indo-Paqësorit, ndërsa Evropa pritet të marrë mbi vete barrën kryesore të sigurisë konvencionale, me një rol amerikan më të kufizuar por ende vendimtar. Për Kosovën, ky realitet i ri nënkupton kalimin nga ideja e mbrojtjes së garantuar amerikane drejt një rendi sigurie ku përgjegjësia ndahet mes Evropës, NATO-s dhe vetë rajonit, me objektiv të qartë: neutralizimin e ndikimit rus në Ballkanin Perëndimor.

Read more ...