Presidenti libanez Joseph Aoun ka deklaruar se çarmatimi i Hezbollahut mund të realizohet vetëm pas plotësimit të tri kushteve: tërheqjes së Izraelit nga territoret e pushtuara në jug të Libanit, marrjes së kontrollit të plotë të sigurisë nga ushtria libaneze dhe nisjes së një programi rindërtimi të drejtuar vetëm nga shteti.
Një përplasje e re politike ka shpërthyer në Hungari, pasi prokurorët kanë kryer një kontroll në zyrat e partisë Fidesz, ku ndodhen edhe serverët e internetit të forcës politike të drejtuar më parë nga Viktor Orban. Lajmi u bë i ditur nga vetë Fidesz, e cila tashmë ndodhet në opozitë, pasi humbi pushtetin në zgjedhjet e fundit përballë partisë së re qeverisëse Tisza. Partia ka akuzuar qeverinë e kryeministrit Peter Magyar se po tenton të pengojë funksionimin e saj dhe të godasë strukturat e saj politike.
Asambleja Kombëtare në Francë votoi në favor të ligjit me 279 vota pro dhe 81 kundër. Më herët, Senati e kishte miratuar projektligjin me 243 vota pro dhe vetëm 2 kundër. Me kërkesë të Presidentit Emmanuel Macron, rregullat e reja pritet të hyjnë në fuqi menjëherë pas pushimeve verore. Pas vendimit të Parlamentit, Macron deklaroi: "Kisha punuar për këtë nismë dhe tani është vendosur: që nga fillimi i vitit të ri shkollor, rrjetet sociale do të jenë të ndaluara për fëmijët nën 15 vjeç.”
Presidenti amerikan Donald Trump ka miratuar një marrëveshje bërthamore 30-vjeçare me Arabinë Saudite, e cila mund t’i lejojë mbretërisë të zhvillojë kapacitete për pasurimin e uraniumit në kuadër të një programi civil. Marrëveshja, e cila ende nuk është shpallur zyrtarisht, parashikon përfshirjen e kompanive amerikane dhe mundësinë e ndërtimit të një impianti pasurimi pas një studimi të përbashkët.
Pakistani ka intensifikuar përpjekjet diplomatike për të rikthyer marrëveshjen e përkohshme mes Shteteve të Bashkuara dhe Iranit, ndërsa sulmet amerikane ndaj territorit iranian vijuan për të 11-tën natë radhazi dhe Teherani zgjeroi ofensivën kundër aleatëve të Uashingtonit në Gjirin Persik.
