Transmetuesi izraelit: Ushtria sajoi zbulimin e tunelit në Gaza për ta penguar armëpushimin

Wednesday, 23 April 2025 08:17

• Written by /TRT BALKAN

Qëllimi i kësaj gënjeshtre “ishte ta ekzagjerojë rëndësinë e Korridorit të Filadelfit dhe të vonojë një marrëveshje pengjesh”, tha KAN.

Një hetim nga transmetuesi publik izraelit KAN ka zbuluar se ushtria izraelite sajoi zbulimin e një tuneli në Korridorin Filadelfi përgjatë kufirit Gaza-Egjipt, duke pretenduar se struktura ishte, në fakt, një kanal i cekët.

Gushtin e kaluar, ushtria publikoi fotografi të një tuneli të supozuar në zonën e çmilitarizuar përgjatë kufirit.

“Nuk ka pasur kurrë një tunel, por një kanal të mbuluar me papastërti”, tha KAN.

Qëllimi i kësaj gënjeshtre “ishte ta ekzagjerojë rëndësinë e Korridorit të Filadelfit dhe të vonojë një marrëveshje pengjesh”, shtoi transmetuesi.

Sipas KAN-it, ish-ministri izraelit i Mbrojtjes Yoav Gallant ka mbështetur gjetjet, ndërsa ka shtuar se “nuk ishte një tunel, por përpjekje për të parandaluar një marrëveshje armëpushimi”.

Gallant ka sqaruar se struktura ishte vetëm rreth një metër e thellë dhe u paraqit në mënyrë mashtruese për publikun si një tunel i thellë. “Ai u promovua në publik si një tunel i thellë për të parandaluar arritjen e një marrëveshjeje me Hamasin”, ka shtuar ai.

Grupi i rezistencës palestineze Hamasi kërkon një armëpushim të plotë dhe tërheqjen e forcave izraelite nga Gaza në këmbim të çdo marrëveshjeje të shkëmbimit të pengjeve.

Nuk kishte asnjë koment të menjëhershëm nga ushtria mbi raportimin.

Ushtria izraelite rifilloi sulmin e saj në Gaza më 18 mars, duke prishur marrëveshjen e armëpushimit dhe shkëmbimit të të burgosurve më 19 janar.

Ushtria izraelite rifilloi sulmet e saj në Gaza më 18 mars, duke prishur marrëveshjen e armëpushimit dhe shkëmbimit të të burgosurve që hyri në fuqi në janar.

Izraeli ka vrarë më shumë se 51.200 palestinezë në Gaza që nga tetori i vitit 2023, shumica prej tyre gra dhe fëmijë.

Nëntorin e kaluar, Gjykata Ndërkombëtare Penale lëshoi ​​urdhra arresti për Netanyahun dhe ish-ministrin e tij të Mbrojtjes Yoav Gallant për krime lufte dhe krime kundër njerëzimit në Gaza.

Izraeli gjithashtu përballet me një padi gjenocidi në Gjykatën Ndërkombëtare të Drejtësisë për luftën e tij në enklavën palestineze.

Po transportonin 30 kg kokainë, arrestohen 2 shqiptarët në Zvicër

Tuesday, 22 April 2025 19:00

• Written by /Lapsi.al

Tridhjetë kilogramë kokainë të fshehura në makinë. Ky është zbulimi i bërë gjatë një inspektimi nga punonjësit e Zyrës Federale për Doganat dhe Sigurinë Kufitare (UDSC) në Zvicër.

Transportuesit ishin një 30-vjeçar dhe një 28-vjeçar, të dy shtetas shqiptarë me banim në Shqipëri.

Dy shqiptarët u morën në pyetje dhe u arrestuan më pas nga oficerët e Policisë Kantonale të Tiçinos, qyteti Chiaso në kufi me Italinë. Hipoteza kriminale ndaj tyre është shkelje e rëndë e Ligjit Federal për Narkotikët.

Hetimi i koordinuar nga prokurori publik Luca Losa do të duhet të rindërtojë rrugën e drogës, e cila nga kontrollet e para nuk rezulton të jetë e destinuar për në territorin italian. 

Kongresmenia amerikane ‘kryqëzohet’ në rrjet, postimi që bëri për vdekjen e Papa Françeskut: E keqja po mposhtet nga dora e Zotit

Tuesday, 22 April 2025 15:41

• Written by /Shqiptarja.com

Jo të gjithë shprehën ngushëllime për vdekjen e Papa Françeskut. Marjorie Taylor Greene , një kongresmene amerikane që mbështet Donald Trump, ‘festoi’ për ndarjen nga jeta të Atit të Shenjtë.

Postimi shkaktoi reagimin e qindra njerëzve. "Ti je një turp për Amerikën," i shkroi asaj një përdorues i rrjetit social.  “Cili i krishterë mund të kërcejë mbi varrin e një njeriu dhe të flasë për vullnetin e Perëndisë”, i shkroi një tjetër. 

“Si jetoni me gjithë këtë urrejtje në zemrën tuaj? Jezu Krishti e di se e keqja banon në zemrën tuaj të errët dhe do të veprojë”, ishte një tjetër koment.

Taylor Greene, e cila u bë e njohur për teoritë e saj konspirative, pohon se është e krishterë. Në një postim të publikuar të dielën në X, ajo postoi një imazh të shenjtë të Jezusit dhe komentin: "Shpresoj që të gjithë të kenë një Pashkë të mrekullueshme. Ai u ringjall dhe të gjithë jemi të falur".

Izraeli përgatitet për sulm ndaj objekteve bërthamore të Iranit

Tuesday, 22 April 2025 15:25

• Written by /JOQ

Izraeli po planifikon një sulm ushtarak ndaj objekteve bërthamore të Iranit, pavarësisht mosmarrëveshjeve të brendshme në nivel politik dhe ushtarak, si dhe rifillimit të konfliktit në Gaza, sipas mediave të huaja.

Një sulm i planifikuar për në maj, i cili shihej si pjesë e axhendës strategjike të kryeministrit Benjamin Netanyahu, u shty pas ndërhyrjes së presidentit amerikan Donald Trump, raportoi The New York Times.

Ky zhvillim pasoi një vizitë të papritur të Netanyahut në Shtëpinë e Bardhë më 7 prill. Gjatë takimit të tensionuar me Trump, ai u informua papritur për fillimin e negociatave SHBA-Iran për një marrëveshje të mundshme bërthamore, çka e zuri në befasi.

Gjatë muajve të fundit, Izraeli i ka propozuar administratës Trump disa opsione për të sulmuar objektet bërthamore të Iranit, përfshirë plane me afate në fund të pranverës dhe verës. Këto plane përfshijnë një kombinim të sulmeve ajrore dhe operacioneve komando, me shkallë të ndryshme intensiteti, që mund të vonojnë aftësinë e Teheranit për të zhvilluar armë bërthamore për disa muaj deri në një vit ose më shumë.

Sipas analistëve, heshtja e Izraelit lidhur me këto plane mund të tregojë se ambicia e tij e kahershme për të dobësuar programin bërthamor të Iranit po kalon nga retorika në veprim. Burimet raportojnë se Izraeli po përparon me përgatitjet, përfshirë gatishmërinë e trupave dhe koordinimin në terren me forcat amerikane.

Administrata Trump ka deklaruar më herët se çdo ndërhyrje do të nxirrte në pah aftësinë e Uashingtonit për të ndikuar në vendimmarrjen izraelite kur e sheh të nevojshme. Një sulm i suksesshëm do të kërkonte mbështetje amerikane, veçanërisht nga Forcat Ajrore të SHBA-së, qoftë përmes pjesëmarrjes direkte, qoftë përmes koordinimit për mbrojtje.

Me mbrojtjen ajrore të Iranit të dobësuar dhe ndikimin e tij të zvogëluar në rajon, Izraeli e konsideron momentin aktual si të favorshëm për veprim. Netanyahu synon jo vetëm të ndryshojë dinamikat në Lindjen e Mesme pas luftës në Gaza, por edhe të forcojë trashëgiminë e tij politike përmes arritjeve ushtarake, duke përfshirë frenimin e ambicieve bërthamore të Iranit, dobësimin e Hezbollahut dhe shtypjen e rezistencës palestineze.