Inspektimet zbuluan mijëra kilogramë mish dhe nënprodukte me salmonelë, konsumatori nuk u informua

Friday, 03 October 2025 09:37

• Written by /Blod News

Autoriteti Kombëtar i Ushqimit, të cilin ligji e ngarkon me përgjegjësinë për garantimin e sigurisë ushqimore, i tha emisionit “Inside Story” se ka bllokuar mijëra kg mish, qofte, kërnacka apo hamburgerë të kontaminuar me salmonelë.

Rastet e daljes në treg të produktit të kontaminuar janë konfirmuar nga AKU, e cila pranon se vetëm për 5 muajt e parë të vitit 2025 janë konstatuar 3 praktika ngarkesash me salmonelë. Fillimisht u identifikuan rreth 4.500 kg fileto e ngrirë derri, e cila fatmirësisht ishte në gjendje në subjekt, pra nuk ishte tregtuar. Subjekti u gjobit në vlerën 300 mijë lekë dhe u urdhërua asgjësimi i të gjithë sasisë problematike.

Read more ...

Urdhëri ekzekutiv i Trump: SHBA do të mbrojë Katarin me çdo mjet, përfshirë ushtrinë

Friday, 03 October 2025 09:10

• Written by /Euronews.al

Presidenti Trump nënshkroi këtë javë një urdhër ekzekutiv, duke u zotuar të përdorë të gjitha masat përfshirë ushtrinë amerikane për të mbrojtur Shtetin e Gjirit, Katarin.

Teksti thotë se Uashingtoni do ta shohë çdo sulm të armatosur ndaj këtij kombi të vogël dhe të pasur me energji si një kërcënim për vetë Shtetet e Bashkuara dhe do të “ndërmarrë të gjitha masat e ligjshme dhe të përshtatshme duke përfshirë ato diplomatike, ekonomike dhe, nëse është e nevojshme, ushtarake  për të mbrojtur interesat e Shteteve të Bashkuara dhe të Shtetit të Katarit dhe për të rivendosur paqen dhe stabilitetin”.

Read more ...

Vendosnin koka derrash pranë xhamive në Paris, arrestohen 11 serbë

Wednesday, 01 October 2025 09:11

• Written by /JOQ

Policia serbe ka arrestuar 11 persona të dyshuar për nxitje urrejtjeje në Francë dhe Gjermani.

Sipas Ministrisë së Brendshme, shtetasit serbë vepronin nën udhëzimet e një personi tjetër të lidhur me një shërbim të huaj inteligjent, i cili është ende në arrati.

Grupi akuzohet se kishte për qëllim përhapjen e urrejtjes dhe dhunës mbi baza fetare e racore.

Në fillim të shtatorit, ata vendosën nëntë koka derrash pranë disa xhamive në Paris dhe rrethinat e tij, duke shkaktuar indinjatë në opinionin publik.

Të dyshuarit do të dalin para gjykatës për akuza që përfshijnë diskriminim racor dhe spiunazh. Arrestimet u kryen në Beograd dhe në Velika Planë, në bashkëpunim me shërbimet e sigurisë.

Sllovakia miraton ligjin që njeh vetëm dy gjini dhe ndalon birësimet për çiftet LGBTQ+

Wednesday, 01 October 2025 08:53

• Written by /JOQ

Parlamenti i Sllovakisë ka miratuar një ndryshim të rëndësishëm kushtetues, ku tashmë do të njihen ligjërisht vetëm dy gjini, mashkull dhe femër. Po ashtu, ligji ndalon birësimet për çiftet LGBTQ+ dhe ndalon shtatzënitë përmes surrogateve.

Vendimi u miratua me një diferencë të ngushtë votash, pasi disa deputetë të opozitës iu bashkuan qeverisë së kryeministrit Robert Fico. Ky i fundit e quajti votimin si “diga e madhe kundër progresivizmit”, duke shtuar se ligji mbron “vlerat tradicionale”.

Amnesty International dhe grupe të tjera të të drejtave të njeriut e kanë cilësuar ndryshimin si një hap që do e bëjë më të vështirë jetën për komunitetin LGBTQ+, duke e afruar vendin me qeverinë e Orbanit në Hungari apo atë të Putinit në Rusi.

Presidenti Peter Pellegrini deklaroi se do ta firmosë amendamentin, ndërsa kritikët e shohin si një manovër të Ficos për të larguar vëmendjen nga pakënaqësitë ekonomike dhe reformat e ashpra që ka ndërmarrë.

Ndërkohë, raportimet thonë se partia e Ficos pritet të përjashtohet muajin tjetër nga Partia e Socialistëve Europianë, pas qëndrimeve të saj gjithnjë e më larg linjës progresiste.