Florida ndalon fëmijët nën 14 vjeç të kenë llogari në mediat sociale
Tuesday, 26 March 2024 13:31
Guvernatori i Floridës, Ron DeSantis, nënshkroi ligjin për të ndaluar fëmijët nën 14 vjeç të krijojnë një profil në platformat sociale në internet, madje duke fshirë ato ekzistuese.
Dokumenti, i shtyrë nga republikanët për të luftuar “varësinë” ndaj mediave sociale, u modifikua pjesërisht nga Senati i shtetit për të lejuar përdorimin nga të miturit midis moshës 14 dhe 16 vjeç, por vetëm me pëlqimin e qartë të prindërve të tyre. Ligji ka të bëjë veçanërisht me platformat që monitorojnë aktivitetin e përdoruesve për qëllime reklamimi ose për të ndikuar në algoritmin e përmbajtjeve të dukshme në to, si dhe ato që lejojnë ngarkimin e përmbajtjeve ose shikimin e atyre të publikuara nga përdorues të tjerë.
