Gjykata urdhëron administratën e Trump të anulojë mbylljen e Zërit të Amerikës!
Një gjykatës i një gjykate federale në Uashington ka urdhëruar administratën e presidentit Donald Trump, që të ndalë përpjekjet që synojnë shuarjen e Zërit të Amerikës (VOA), që u mbyll muajin e kaluar. VOA i ka cilësuar të paligjshme lëvizjet e administratës për mbylljen e transmetuesit.
Gjykatësi Royce Lamberth vendosi më 23 prill për lëshimin e një urdhri paraprak që thotë se zyrtarët duhet “të marrin të gjithë hapat e nevojshme” për të rikthyer punonjësit dhe bashkëpunëtorët në pozitat e tyre në VOA dhe që të rikthehen fondet, e miratuara nga Kongresi, për dy transmetuesit e tjerë të financuar nga Qeveria amerikane – Radio Azia e Lirë dhe Rrjeti i Transmetuesit të Lindjes së Mesme – dhe të rifillojnë transmetimet në radio, televizion dhe internet.
Dyshohet se b.ullizohej në shkollë, ky është 17-vjeçari që u gjet i v.arur në Gjirokastër
Vehip Peçi, një 17-vjeçar nga fshati Valare në Gjirokastër, u gjet i vetëvarur nga familjarët në banesën e tij mesditën e së dielës. Ai jetonte me nënën dhe dy motrat, ndërsa babai ndodhej në emigracion. Familja kishte kaluar një periudhë në Sarandë, ku dyshohet se Vehipi ishte bullizuar gjatë shkollës 9-vjeçare, çka ndikoi në kthimin e tyre në Gjirokastër.
Adoleshenti vijonte shkollën në gjimnazin “Siri Shapllo”, ku nuk është konfirmuar ende nëse kishte përjetuar bullizim. Sipas të afërmve, ai kishte shfaqur shenja izolimi dhe melankolie, por nuk kishte qenë nën kujdes mjekësor. Pavarësisht vështirësive emocionale, ai njihej si një nxënës me rezultate të larta në mësime.
Bisedimet e paqes për Ukrainën, kërcënon Rubio: SHBA do të tërhiqet nëse nuk ka progres
Shtetet e Bashkuara do të braktisin përpjekjet për të ndërmjetësuar një marrëveshje paqeje Rusi-Ukrainë nëse nuk ka shenja të qarta për mundësinë e arritjes së një armëpushimi. Sekretari amerikan i Shtetit Marco Rubio nënvizoi se SHBA-ja dëshiron të ndihmojë në mbylljen e konfliktit, por në momentin që palët nuk angazhohen për bashkëpunim, atëherë sipas Washingtoni, paralajmëroi ai, do të tërhiqet.
“Ne nuk do të vazhdojmë të merremi me këtë gjë për javë apo edhe muaj të tërë. SHBA-ja ka shumë prioritete të tjera që kërkojnë vëmendjen e saj”, tha ai.
Përgjaket sërisht aeroporti i Vlorës, një tjetër punëtor humb jetën
Të krishterët në Gaza kremtojnë të Premten e Madhe
Të krishterët në Gaza janë tubuar në kishën historike të Shën Porfirit për të kremtuar të Premten e Madhe, derisa sulmet ushtarake izraelite vazhdojnë në enklavën e rrethuar. Besimtarët e krishterë të Gazës morën pjesë në shërbimin në kishë, duke kënduar himne, duke ndezur qirinj dhe duke kryer lutje për paqe në mes të konfliktit të vazhdueshëm izraelit. E Premtja e Madhe është pjesë e Javës së Shenjtë tek besimtarët e krishterë, e cila përfshin të Enjten e Madhe, që përkujton darkën e fundit, si dhe mbyllet në Ditën e Pashkëve të dielën, duke festuar Ringjalljen e Krishtit.