Erion Veliaj nga qelia: Faturën time do e paguajë Republika, taksapaguesit
I pyetur nëse a ka komunikuar me Ramën, Veliaj e mohoi duke shtuar se është në izolim. Ai hodhi akuza drejt prokurorit Dado, se prej dy javësh nuk i ka miratuar asnjë takim, edhe pse në media janë publikuar lajmet se Veliajt i është miratuar leja për të takuar jo vetëm avokatët, por edhe familjarët, po ashtu të zhvillojë edhe takime pune me punonjlsit e Bashkisë.
Trump heq dorë nga Ukraina, Putin shfrytëzon situatën dhe sulmon pamshirshëm
Rusia ka kryer një sulm të ashpër ndaj Ukrainës të shtunën, duke vrarë të paktën 14 persona dhe plagosur dhjetëra të tjerë. Dy raketa balistike goditën qendrën e Dobropillias, në rajonin lindor të Donetskut, duke shkaktuar zjarr në një ndërtesë pesëkatëshe.
Sipas autoriteteve ukrainase, një tjetër sulm u lëshua mbi të njëjtën zonë ndërsa ekipet e emergjencës po përpiqeshin të shpëtonin të mbijetuarit. Në këtë sulm humbën jetën 11 civilë dhe u plagosën të paktën 30 persona, mes tyre pesë fëmijë. Ndërkohë, tre persona të tjerë humbën jetën dhe shtatë u plagosën nga një sulm me dron në qytetin Bohodukhiv, në rajonin e Kharkivit.
I.zraeli kryen operacionin më sh.katërrues në Bregun Perëndimor që prej l.uftës së vitit 1967
Shkatërrimi i kampeve të refugjatëve nga Izraeli në Bregun Perëndimor është kthyer në zhvendosjen më të madhe të palestinezëve që nga lufta e vitit 1967, deklaroi të premten Komisioneri i Përgjithshëm i Agjencisë së Kombeve të Bashkuara për Ndihmën dhe Punët për Refugjatët Palestinë (UNRWA), Philippe Lazzarini.
Trump lëshon ‘paralajmërimin e fundit’ ndaj Hamasit për lirimin e të gjitha pengjeve
Presidenti Donald Trump ka lëshuar atë që e quan “paralajmërimin e fundit” ndaj Hamasit për të liruar të gjitha pengjet e mbetura në Gazë. Presidenti amerikan shkroi në rrjetin ‘TruthSocial’, mes të tjerash, se po i “dërgonte Izraelit gjithçka i nevojitet për të përfunduar detyrën”. Më herët presidenti priti në Shtëpinë e Bardhë tetë ish-pengje.
Gjuha e ashpër vjen ndërsa Shtëpia e Bardhë tha të mërkurën se zyrtarët amerikanë janë angazhuar në "bisedime dhe diskutime të vazhdueshme" me zyrtarët e Hamasit, duke u tërhequr nga një politikë e kahershme e Shteteve të Bashkuara për të mos u përfshirë drejtpërdrejt në bisedime me grupin militant.
I.zraeli ndalon ndihmat për G.azën pas fazës së parë të armëpushimit
Qeveria izraelite ka vendosur të ndalojë hyrjen e ndihmave humanitare në Gaza, vetëm disa orë pas përfundimit zyrtar të fazës së parë të marrëveshjes së armëpushimit dhe shkëmbimit të të burgosurve, raportojnë mediat izraelite. Kanali 12 raportoi se “hyrja e ndihmave humanitare në Gaza është ndalur pas përfundimit zyrtar të armëpushimit”.
Ndërkohë, Kanali 14 izraelit deklaroi se “në një diskutim të udhëhequr nga kryeministri Benjamin Netanyahu mbrëmë, u mor vendim për t'i ndaluar dërgesat e kamionëve humanitarë në Gaza deri në një njoftim të dytë”.