Sot me datë 08.03.2024 në ambjentet e qendres kulturore Yunus Emre u zhvillua hapja solemne e organizatës “Horizonte të Ndritshme”. Ky event vijoi me fjalime përshëndetëse hapëse të kryetarit Hamzi Ibraimi dhe me panelin nën temen “Edukimi për qëndrueshmëri, të rinjtë si ndërtues të së ardhmes” e moderuar nga Amela Klimenta.
Platformat Instagram dhe Facebook pësuan një rënie në të gjithë botën të martën (5 Mars) dhe duket se ky mosfunksionim i tyre Mark Zuckebergut i ka kushtuar shumë. Kompania e tij ka humbur një vlerë të konsiderueshme prej 3 miliardë dollarë , sipas një raporti nga India Today. Sipas NASDAQ, aksionet e Meta u mbyllën me të kuqe me 1.6% në 490.22 USD këtë të martë. Mark Zuckerberg, themelues, kryetar dhe CEO i Meta, humbi mbi 2.79 miliardë dollarë në ditë në 176 miliardë dollarë në vlerën e tij të re, sipas Indeksit të Miliarderëve të Bloomberg, por ai ruajti pozicionin e tij si personi i katërt më i pasur në botë.
Hannah Gutierrez Reed, e cila siguroi armën në filmin "Rust", u shpall fajtore për vrasje të pavullnetshme të mërkurën në një gjyq në Nju Meksiko, për vrasjen fatale në 2021 të kinematografes Halyna Hutchins. Ajo u vra nga një armë që mbahej nga aktori Alec Baldwin. Gutierrez Reed, e cila ishte përgjegjëse për sigurinë dhe ruajtjen e armëve të zjarrit në setin e filmit, u lirua nga akuza për manipulim provash, e cila u ngrit pasi prokurorët pretenduan se ajo i transferoi një "qese të vogël kokaine" dikujt tjetër, pas një interviste policie në ditën e të shtënave, më 21 tetor 2021.
Agjencia Shtetërore e Lajmeve (AMNA) ka vendosur të mos e rinovojë kontratën e gazetarit Panajot Barka. Me një deklaratë për shtyp publikuar në faqen e tij zyrtare Unioni i Gazetarëve të Athinës proteston për mosrinovimin e kontratës së punës të gazetarit minoritar Barka me Agjencinë Shtetërore të Lajmeve të Greqisë AMNA. Siç bëhet me dije, gazetarit në fjalë nuk i është rinovuar kontrata pas me shumë se 20 vitesh bashkëpunimi të vazhdueshëm me këtë agjenci. Konkretisht në deklaratën në fjalë shkruhet: “Bordi Drejtues i Unionit të Gazetarëve të Athinës (ESIEA) dënon vendimin e drejtuesve të AGJENCISË SË LAJMEVE për të mos rinovuar kontratën e korrespondentit të AMNA-s në Gjirokastër Panagiotis Barkas, në mënyrë të padrejtë dhe abuzive, pas më shumë se 20 vitesh bashkëpunim.
Shpallja fajtor e Fredi Belerit është një vendim i marrë shumë kohë më parë jashtë sallës së gjyqit, por sot gjykata finalizoi procesin, duke i dhënë dënimin me 2 vite burg , kandidatit grek të opozitës për Himarën. Për bashkëpuntorin e tij Pandeli Kokaveshin gjykata vendosi dënimin me 2 vite burg, por të konvertuar në 3 vjet shërbim prove. Në momentin kur trupi gjykues i përbërë nga Erjon Çela, Flora Hajredini dhe Irena Gjoka shpalli vendimin, salla e mbushur me votues dhe mbështetës të Belerit në himarë shpërtheu në thirrjet “Turp! Turp!”.
