Presidenti i Türkiyes, Recep Tayyip Erdoğan, ka pritur në takim kryetarin e Këshillit Shura të Hamasit, Mohammad Darwish dhe delegacionin e grupit palestinez, transmeton Anadolu.
"Presidenti ynë Recep Tayyip Erdoğan në Kompleksin Presidencial priti kryetarin e Këshillit të Shura të Hamasit, Muhammed Darwish dhe delegacionin e Hamasit", njoftoi Drejtoria e Komunikimit e Presidencës.
Eurodeputeti Fredi Beleri ka reaguar në lidhje me ndarjen nga jeta të Kryepeshkopit Anastas Janullatos. Përmes një deklarate për media, Beleri vlerësoi figurën e Kryepeshkopit si një simbol të paqes, dialogut ndërfetar dhe harmonisë midis njerëzve. Eurodeputeti shtoi se kontributi i Kryepeshkopit Anastas për ringritjen e Kishës Ortodokse ishte i jashtëzakonshëm dhe ndaj ai do të kujtohet gjithmonë me respekt e mirënjohje.
“Me trishtim dhe përulësi, përjetojmë ikjen e Kryepeshkopit Anastas, njeriut që rindërtoi institucionin e Kishës Autoqefale të Shqipërisë nga rrënojat që kishte sjellë ateizmi i diktaturës komuniste. Atin shpirtëror të ortodoksëve të Shqipërisë, që për 33 vjet iu dedikua atyre me përkushtim absolut. Figurën e shquar të Orthodhoksisë mbarëbotërore. Njeriun që frymëzoi në shpirtrat e të gjithë ortodoksëve shpresën e besimit në Zotin Krisht. Klerikun misionar Anastas, që i shërbeu njeriut si ikonë e Zotit Krisht në Afrikë, akademikun, teologun erudit që gëzonte respektin e krerëve të krishterimit, por edhe të feve të tjera, Personalitetin Ekumenik, Kryepeshkopin Anastas të Shqipërisë!
The Independent raporton se SHBA kishte planifikuar të dërgonte prezervativë me vlerë 50 milionë dollarë në Gazë. Por sekretarja e re shtypit tha se këto janë një kosto dhe humbje e kotë e parave të taksapaguesve amerikanë.
“Departamenti i Efiçencës së Qeverisë (DOGE) i Elon Musk dhe Zyra e Shtëpisë së Bardhë për Menaxhimin dhe Buxhetin (OMB) zbuluan se rreth 50 milionë dollarë të taksapaguesve do të shkonin për prezervativët në Gaza”, u tha Karoline Leavitt gazetarëve në konferencë.
Sot bëhen 26 vite nga masakra që u bë në fshatin Rogovë të Hasit, aty ku ranë në pritë luftëtarët e Ushtrisë Çlirimtare të Kosovës, por nuk u kursyen as shumë civilë të fshatit. Në datat 27, 28 dhe 29 janar të vitit 1999 në këtë fshat ranë dëshmorë 21 persona.
Aty heroikisht dhanë jetën: Agim Zeneli, Luan Smajli, Agron e Sejdi Rama, Pren e Meme Lleshi, Agush Gjoci, Valon Gashi, Bahtjar Morina, Daut Kelmendi, Emrush Çeta, Kasim Shala, Hamdi Berisha, Gezim Ademi, Haxhi Lypjani, Gasper Karaçi, Ilir Merturi, Naim Gashi,Naim Dreshaj,Sahit Krasniqi dhe Vesel Avdyli.
Nëna e 12-vjeçarit, Leo Sadiku, i cili humbi jetën më 8 janar, ka rrahur një mjeke të spitalit Pediatrik në QSUT duke e akuzuar për neglizhencë në mjekimin e djalit. Roveta Sadiku po ndiqet penalisht për veprën penale “Goditje për shkak të detyrës”, pasi mjekja me iniciale J. B. ka kallëzuar se 44-vjeçarja ka ushtruar dhunë fizike ndaj saj, në ambientet e spitalit Pediatrik.
Në reagimin e tyre, QSUT deklaroi se i mituri u diagnostikua me miokardit akut, një sëmundje e rrallë dhe e rrezikshme, e cila shoqërohet me shkallë të lartë të vdekshmërisë. Por kjo deklaratë nuk është pranuar nga familjarët e 12-vjeçarit të cilët kërkojnë përgjegjësi për çdo gabim të mundshëm në trajtimin e tij.
