Shefi i Jashtëm i Hamasit, Khalid Meshaal tha se me vrasjen e Saleh al-Arourit qëllimi i Izraelit ishte "të eksportojë krizën e tij jashtë vendit".
Meshaal postoi një mesazh ngushëllimi për nënkryetarin e Byrosë Politike të Hamasit, Saleh al-Arouri, i cili u vra më 2 janar në një sulm ajror izraelit në Bejrut të Libanit.
Të paktën 22.438 palestinezë janë vrarë dhe 57.614 të tjerë janë plagosur në sulmet izraelite në Rripin e Gazës që nga 7 tetori, thanë sot autoritetet shëndetësore të enklavës.
“Fëmijët dhe gratë përbëjnë 70 për qind të viktimave”, tha zëdhënësi i Ministrisë së Shëndetësisë Ashraf al-Qudra në një deklaratë.
Kosova duket se viteve të ardhshme do të ketë më pak banorë. Ikja e tyre në vende të ndryshme të botës, po parashikohet të ndodh tash kur vizat janë hequr. Frika është rritur se Kosova do të mbetet pa rini dhe fuqi punëtore.
Qytetarët e Kosovës tashmë kanë fituar të drejtën e udhëtimit pa viza nëpër vendet e zonës Schengen, të përbërë prej 27 vendesh evropiane.
Ky proces solli edhe shqetësime për ndikimin që mund ta ketë liberalizimi i vizave te migrimi i të rinjve.
Hakerat e grupit iranianë “Homeland Justice” që pak javë më parë sulmuan kompaninë “ONE Albania”, tani kanë nxjerrë në shitje të dhënat e shqiptarëve.
Në një postim në profilin e tyre në platformën "Telegram", ata thonë se disponojnë 259 terabyte të dhëna të shqiptarëve të cilat i shesin për 1 Bitcoin ose 40 mijë euro.
Lëvizja Hezbollah njoftoi se ka kryer një sulm ndaj 4 pikave ushtarake të vendosura në kufirin izraelit nga jugu i Libanit.
Hezbollahu në një deklaratë në lidhje me sulmet e tij ndaj Izraelit tha se nga jugu i Libanit është kryer sulm me armë të përshtatshme kundër pikave ushtarake izraelite Shtula, Jardah, Al-Manara dhe Metula, të vendosura në kufi.
