Presidenti Erdogan diskuton zhvillimet në Siri me homologun rus Putin
Wednesday, 04 December 2024 09:19
Presidenti turk Recep Tayyip Erdoğan ka biseduar në telefon me presidentin rus Vladimir Putin, transmeton Anadolu. Sipas një deklarate të Drejtorisë së Komunikimeve të Presidencës, gjatë bisedës janë diskutuar marrëdhëniet Türkiye-Rusi, zhvillimet e fundit në Siri, si dhe çështje globale dhe rajonale. Erdoğan ka deklaruar se ndërkohë që Türkiye vazhdon të mbështesë integritetin territorial të Sirisë, nga ana tjetër, ajo përpiqet për një zgjidhje të drejtë dhe të qëndrueshme në Siri dhe se është e rëndësishme që të hapet më shumë hapësirë për diplomacinë në rajon, dhe se në këtë proces, regjimi sirian duhet të angazhohet në procesin e zgjidhjes politike.
