Gjigandi i teknologjisë me seli në SHBA, Apple, ka hequr aplikacionet e mesazheve dhe mediave sociale të Meta-s, WhatsApp dhe Threads nga App Store në Kinë, në përputhje me rregulloret e internetit dhe ndalimet në vend, transmeton Anadolu.
Konsumatorët tani nuk janë në gjendje të kenë qasje në këto aplikacione në App Store.
Mbreti Abdullah II i Jordanisë pranoi një telefonatë të dielën nga presidenti amerikan Joe Biden, njoftoi Oborri Mbretëror Hashemit, transmeton Anadolu.Thirrja ka mbuluar zhvillimet e fundit në rajon dhe përpjekjet për të ulur tensionet dhe për të arritur një armëpushim në Gaza, thuhet në deklaratën e Oborrit.
Abdullah ka theksuar "nevojën për të ndaluar menjëherë përshkallëzimin në rajon, duke paralajmëruar se çdo masë përshkallëzuese izraelite do të zgjerojë konfliktin në rajon".Mbreti ka thënë se përfundimi i luftës në Gaza është mënyra për të parandaluar një përhapje rajonale.
Pas 102 vitesh, është hapur në Greqi xhamia Yeni, e cila deri më sot ishte përdorur si hapësirë ekspozite e Galerisë së Arteve komunale, u rihap sot. Autoritetet në Selanik e hapën xhaminë duke i dhënë mundësinë për të falur namazin besimtarëve myslimanë, të cilët sot festojnë Fiter Bajramin pas përfundimit të muajit të agjërimit.
Në orët e para të mëngjesit, në xhami u mblodhën një numër i madh besimtarësh për të falur namazin, ndërsa masat e policisë greke në zonë dhe perimetrin e objektit ishin shtuar. Oficerë policie qëndronin në hyrje të xhamisë duke kryer edhe kontrolle mes besimtarëve.
Për javën që presim përpara vendi ynë do të ndikohet nga kushte të qëndrueshme atmosferike me ditë dhe orë të plota me diell. Kjo situatë vjen si pasojë e depërtimit të pazakontë për periudhën që ndodhemi të Anticiklonit Afrikan ndërsa më pas depërtimi gradual edhe i Anticiklonit të Azoreve (depërtim i zakonshëm për periudhën që ndodhemi).Në këtë mënyrë moti parashikohet i kthjellët për të gjitha ditët e javës përjashtuar vranësirat e pakta kalimtare në mesditë dhe pasdite. Për shkak të stinës së pranverës temperaturat në vlerat e mëngjesit do të mbeten relativisht të freskëta.
Bullgaria dhe Rumania i janë bashkuar pjesërisht zonës së lëvizjes së lirë Shengen të Evropës të dielën, duke iu bashkuar pjesës tjetër të Evropës për udhëtim lirshëm nga ajri dhe deti pa kontrolle kufitare.
Pranimi në zonë ndodhi pas një pritjeje 13-vjeçare. Anëtarësimi ndodhi i pjesshëm për shkak të vetos nga Austria mes shqetësimeve të fluksit të refugjatëve në Evropë.
