Trump kërkon anulimin e gjyqit për korrupsion ndaj Netanyahut
Duke argumentuar se ai dhe Netanyahu kishin kaluar "ferrin së bashku" dhe arritën fitore të madhe kundër armikut të betuar të Izraelit, Iranit, Trump tha se ata po luftonin për "mbijetesën" e Izraelit.
“Serbia do të përplasej, por i dhamë fund”, Trump: Kemi punuar me ta dhe me Kosovën
Në konferencën e tij pas përfundimit të samitit të NATO-s në Hagë, Presidenti amerikan Donald Trump përmendi papritur konfliktin mes Kosovës dhe Serbisë, duke aluduar edhe në një përpjekje të Serbisë për përplasje.
Koçiu e Shëndetësisë lë spitalin e Përrenjasit pa vaksinën e fruthit dhe meningjitit, fëmijët në rrezik
Prej më shumë se 3 muajsh, prindërit në bashkinë Përrenjas po përballen me mungesën e vaksinave të detyrueshme për fëmijët, përfshirë atë të fruthit, vaksina MMR dhe vaksinën kundër meningjitit vaksina Menc dhe MenACWY . Ndonëse autoritet shëndetësore iu bëjnë shpesh thirrje prindërve që të vaksinojnë fëmijët e tyre, realiteti në terren është krejt ndryshe. Qendrat shëndetësore nuk i disponojnë këto vaksina të nevojshme për fëmijët.
Një qytetar ka kontaktuar redaksinë dhe shprehet se prej tre muajsh nuk po arrin dot të vaksinojë vajzën që ka mbushur 1 vjeçe pasi spitali Përrenjas nuk e dispononin vaksinën e nevojshme. Në këto kushte kërkohet një ndërhyrje urgjente që spitali i Përrenjasit të furnizohet me vaksinat e nevojshme për fëmijët pasi kështu shmangen në kohë dhe rreziqet e mundshme për shëndetin publik.
Kreu i NATO-s, Rutte: Të gjithë aleatët i kanë pranuar objektivat e reja të mbrojtjes
Sekretari i Përgjithshëm i NATO-s, Mark Rutte tha se të gjithë aleatët, përfshirë Spanjën, e kanë pranuar deklaratën përfundimtare dhe objektivat e reja të kapacitetit. Rutte në një konferencë për media përpara Samitit dy-ditor të NATO-s i cili fillon nesër në Hagë të Holandës tha: "Po takohemi në një moment historik kur përballemi me sfida të rëndësishme dhe në rritje për sigurinë tonë".
"Ndërsa bota bëhet më e rrezikshme, udhëheqësit aleatë do të marrin vendime të guximshme për të forcuar mbrojtjen tonë kolektive dhe për ta bërë NATO-n një aleancë më të fortë, më të drejtë dhe më vdekjeprurëse. Këtë javë, aleatët do të miratojnë një plan të ri të madh investimesh në mbrojtje që e ngre standardin për investimet në mbrojtje në 5 për qind të produktit të brendshëm bruto (PBB)", tha ai.
Trump: Të gjithë mbani çmimet e naftës të ulëta, unë po ju shikoj
Presidenti i SHBA-së, Donald Trump, ka lëshuar një paralajmërim ndaj vendeve prodhuese të naftës për të mbajtur çmimet e hidrokarbureve të pandryshuara. Përmes një postimi në platformën e tij Truth Social, Trump, shkruan se po i vëzhgon veprimet e të gjithë prodhuesve të naftës në Lindjen e Mesme dhe apelon që të mos rritet çmimi. “Të gjithë, mbajini çmimet e naftës ulët. Po ju vëzhgoj! Po luani në duart e armikut. Mos e bëni!” – shkroi Trump në mëngjesin e së hënës.
Deklarata e tij vjen pas bombardimeve amerikane ndaj centraleve bërthamore të Iranit dhe kërcënimit nga Teherani për mbylljen e Ngushticës së Hormuzit, një kanal kyç i transportit tregtar përmes të cilit kalon një pjesë e madhe e furnizimit botëror me naftë.