SHBA, gjykata urdhëron lirimin me kusht të studentes turke të doktoratës Rümeysa Öztürk

Saturday, 10 May 2025 20:43

• Written by AA

Një gjyqtar federal në shtetin amerikan të Vermontit urdhëroi sot lirimin me kusht të studentes turke të doktoratës Rümeysa Öztürk, e cila u ndalua në mënyrë kontroverse nga agjentët e imigracionit në fund të marsit.

“Gjykata konstaton se ajo nuk përbën rrezik për komunitetin, as nuk paraqet rrezik ikjeje. Gjykata urdhëron qeverinë ta lirojë menjëherë znj. Öztürk nga paraburgimi”, tha gjyqtari William K. Sessions III.

Read more ...

Izraeli mbyll tri shkollat palestineze në Jerusalemin Lindor

Friday, 09 May 2025 11:39

• Written by /Ora News

Tensionit në Jerusalemin Lindor u shtuan të enjten, pasi forcat izraelite të sigurisë mbyllën tre shkolla që operonin nën kujdesin e Agjencisë së OKB-së për popullsinë Palestineze.

Shkollat ndodheshin në kampin e refugjatëve në Swafat, një zonë e aneksuar nga Izraeli, dhe u mbyllën menjëherë pasi nxënësit kishin filluar mësimet.

Sipas raportimeve të BBC, qindra fëmijë palestinezë u detyruan të largoheshin nga ambientet shkollore.

Pamjet nga vendngjarja tregojnë vajza me uniforma që përqafohen jashtë shkollës, ndërsa forcat izraelite kishin rrethuar zonën.

Në murin e njërës prej shkollave ishte vendosur një urdhër zyrtar që ndalonte funksionimin e mëtejshëm të institucioneve arsimore në këtë zonë, përfshirë punësimin e stafit dhe praninë e nxënësve.

Mbyllja e këtyre shkollave vjen në një kohë kur tensionet mes Izraelit dhe shoqatën botërore palestineze (UNRWA) janë rritur ndjeshëm.

Agjencia është akuzuar nga autoritetet izraelite për lidhje me grupe ekstremiste, akuza që vetë UNRWA i ka mohuar.

Ndërkohë, komuniteti ndërkombëtar ka paralajmëruar se ndërhyrje të tilla cenojnë rëndë të drejtën për arsim të mijëra fëmijëve palestinezë dhe rrezikojnë stabilitetin social në zonat e ndjeshme.

India raporton sulme ndaj bazave ushtarake, Pakistani mohon çdo rol

Friday, 09 May 2025 08:56

• Written by /Klan Kosova

India ka akuzuar Pakistanin për sulmin ndaj tre bazave të saj ushtarake me dronë dhe raketa, pretendim ky që është mohuar nga Islamabadi.

Ushtria Indiane tha se kishte penguar përpjekjet e Pakistanit për të sulmuar bazat e saj në Jammu dhe Udhampur, në Kashmirin e administruar nga India, dhe Pathankot në shtetin Punjab të Indisë.

Shpërthimet u raportuan të enjten në mbrëmje në qytetin Jammu në Kashmirin e administruar nga India, ndërsa rajoni hyri në errësirë.

Ministri i mbrojtjes i Pakistanit i tha BBC-së se ata nuk ishin pas sulmit, transmeton Klan Kosova.

BE përgatitet për hakmarrje tregtare nëse negociatat me SHBA-në dështojnë

Friday, 09 May 2025 08:33

• Written by /ore24.tv

Një seri e re produktesh amerikane është vënë në shënjestër të tarifave të mundshme të BE-së, përfshirë kampionin e hapësirës ajrore Boeing, në rast se negociatat me administratën amerikane përfundojnë në bllokim, njoftoi të enjten Komisioni Evropian.

“Ne besojmë se mund të bëhen marrëveshje të mira në dobi të konsumatorëve dhe bizneseve në të dyja anët e Atlantikut”, tha presidentja e Komisionit, Ursula von der Leyen, në një deklaratë, duke shtuar megjithatë: “Në të njëjtën kohë, ne vazhdojmë të përgatitemi për të gjitha mundësitë”.

Që nga mesi i marsit, SHBA-të kanë vendosur tarifa prej 25% për aluminin dhe çelikun e BE-së, 25% për makinat dhe një tarifë të përgjithshme prej 10% për të gjitha importet e BE-së.

Read more ...